G7 sammitinen keiin AQSh prezidenti Donald Tramp pen Frantsiia prezidenti Emmanýel Makron birlesken baspasóz konferentsiiasyn ótkizip, Ýkrainadaǵy qaqtyǵysty retteý, beibit kelissózder júrgizý jáne Eýropanyń qaýipsizdigin qamtamasyz etý máselelerin talqylady, dep habarlaidy Dalanews.kz.
AQSh prezidentiniń aitýynsha, eger eki tarap kelissózder barysynda ikemdilik tanytsa, Ýkrainadaǵy soǵysty birneshe apta ishinde aiaqtaýǵa bolady. Ol Vashingtonnyń qaqtyǵystyń úshinshi dúniejúzilik soǵysqa ulasýyna jol bermeitinin atap ótti.
Sondai-aq Tramp AQSh pen Ýkraina sirek kezdesetin metaldar jáne basqa da resýrstar jónindegi kelisimdi bekitýge jaqyn qalǵanyn málimdedi.
"Zelenskii aldaǵy nemese kelesi aptada kelip, kelisimge qol qoia alady. Bul tamasha bolar edi. Men onymen Oval kabinette kezdesýge daiynmyn", – dedi Tramp.
Budan bólek, AQSh prezidenti taǵy birneshe máselege toqtaldy.
"Resei prezidenti Vladimir Pýtin Ýkrainada eýropalyq bitimgerlik kúshterin ornalastyrýǵa qarsy emes. AQSh Reseimen uzaq merzimdi ekonomikalyq jobalardy júzege asyrýǵa múddeli", - dedi ol.
Onyń pikirinshe, bul bastamalar Ýkrainadaǵy qaqtyǵysty beibit jolmen sheshýge yqpal etedi.
"9 mamyrda Máskeýge barý erte, biraq "men qolaily ýaqytta barǵym keledi", - dep qosty ol.
Frantsiia prezidenti Emmanýel Makron óz kezeginde Ýkraina beibit kelissózderge qatysýy kerek ekenin jáne Parij ben London Kievke qaýipsizdik kepildikterin usyný josparyn ázirlegenin málimdedi.
Makronnyń aitýynsha:
Ýkrainaǵa eýropalyq ásker kirgizý múmkindigi qarastyrylyp jatyr, biraq olardyń mindeti tek qaýipsizdikti qamtamasyz etýmen shekteledi.
Reseidiń buǵattalǵan aktivterin tárkileý múmkin emes, óitkeni bul halyqaralyq quqyq normalaryn buzady.
Ýkraina beibit kelissózderge qatysýy tiis, al Eýropa elderi oǵan qaýipsizdik kepildikterin berýge daiyn.
