Respýblikalyq mańyzy bar Úsharal - Dostyq - QHR shekarasy avtojolynda, Kóktuma aýyly mańynda iri jol apaty tirkeldi. Bes jeńil avtokólik soqtyǵysqan, dep habarlaidy Dalanews.kz
QazAvtoJol kompaniiasynyń málimetinshe, alty adam zardap shekti. Olar Alakól aýdandyq aýrýhanasy jetkizilgen. Zardap shekkender túrli dene jaraqatyn alǵan.
Ulttyq kompaniia ókilderiniń aitýynsha, apat bolǵan sátte joldyń bul bóligi qolaisyz aýa raiyna bailanysty resmi túrde jabyq bolǵan. Aimaqta boran soǵyp, qarly burqasyn men nóldik kóriný tirkelgen. Shekteý 13 aqpan kúni kúndiz engizilip, 17 aqpan tańerteńge deiin saqtalýy josparlanǵan.
Aldyn ala málimet boiynsha, júrgizýshiler tyiymdy jáne politsiia beketterin elemegen. Olar jabyq ýchaskeni ainalyp ótip, dala joly arqyly trassaǵa qaita shyqqan. Saldarynan bir baǵytta kele jatqan kólikter soqtyǵysqan.
Qutqarý jumystary kezinde qar qursaýynda qalǵan taǵy 12 avtokólik shyǵaryldy.
Jol qyzmetteri júrgizýshilerdi engizilgen shekteýlerdi qatań saqtaýǵa jáne jabyq ýchaskelerdi ainalyp ótýge tyryspaýǵa shaqyrdy.
