رەسپۋبليكالىق ماڭىزى بار ٷشارال - دوستىق - قحر شەكاراسى اۆتوجولىندا, كٶكتۇما اۋىلى ماڭىندا ٸرٸ جول اپاتى تٸركەلدٸ. بەس جەڭٸل اۆتوكٶلٸك سوقتىعىسقان, دەپ حابارلايدى Dalanews.kz
قازاۆتوجول كومپانيياسىنىڭ مەلٸمەتٸنشە, التى ادام زارداپ شەكتٸ. ولار الاكٶل اۋداندىق اۋرۋحاناسى جەتكٸزٸلگەن. زارداپ شەككەندەر تٷرلٸ دەنە جاراقاتىن العان.
ۇلتتىق كومپانييا ٶكٸلدەرٸنٸڭ ايتۋىنشا, اپات بولعان سەتتە جولدىڭ بۇل بٶلٸگٸ قولايسىز اۋا رايىنا بايلانىستى رەسمي تٷردە جابىق بولعان. ايماقتا بوران سوعىپ, قارلى بۇرقاسىن مەن نٶلدٸك كٶرٸنۋ تٸركەلگەن. شەكتەۋ 13 اقپان كٷنٸ كٷندٸز ەنگٸزٸلٸپ, 17 اقپان تاڭەرتەڭگە دەيٸن ساقتالۋى جوسپارلانعان.
الدىن الا مەلٸمەت بويىنشا, جٷرگٸزۋشٸلەر تىيىمدى جەنە پوليتسييا بەكەتتەرٸن ەلەمەگەن. ولار جابىق ۋچاسكەنٸ اينالىپ ٶتٸپ, دالا جولى ارقىلى تراسساعا قايتا شىققان. سالدارىنان بٸر باعىتتا كەلە جاتقان كٶلٸكتەر سوقتىعىسقان.
قۇتقارۋ جۇمىستارى كەزٸندە قار قۇرساۋىندا قالعان تاعى 12 اۆتوكٶلٸك شىعارىلدى.
جول قىزمەتتەرٸ جٷرگٸزۋشٸلەردٸ ەنگٸزٸلگەن شەكتەۋلەردٸ قاتاڭ ساقتاۋعا جەنە جابىق ۋچاسكەلەردٸ اينالىپ ٶتۋگە تىرىسپاۋعا شاقىردى.
