Sot Astana – Novosıbırsk baǵytyndaǵy áýe reısiniń jolaýshysyn bortserikterge kúsh qoldanǵany úshin kináli dep tanyp, oǵan 4 jyl bostandyǵyn shekteý jazasyn taǵaıyndady, dep habarlaıdy Dalanews.kz.

Áıel adam "densaýlyqqa zıan keltirmeı kúsh qoldaný arqyly jasalǵan buzaqylyq" baby boıynsha jaýapqa tartyldy.

Sot deregine súıensek, janjal reıstegi qyzmet kórsetýge kóńili tolmaýdan týyndaǵan. Aıyptalýshy kinásin tolyq moıyndap, keshirim suraǵan jáne erkindikten aıyrmaýdy ótingen.

Sonymen qatar sot onyń májbúrlep narkologıalyq em qabyldaýyn mindettep, eki jábirlenýshige moraldyq zıan úshin 2 mln teńge ótemaqy tóleý týraly sheshim shyǵardy. Úkim ázirge zańdy kúshine engen joq.

Buǵan deıin áýe kompanıasy 20 qazanda Qazaq Air reısinde bolǵan oqıǵa týraly habarlaǵan edi. Málimetke sáıkes, mas kúıinde bolǵan jolaýshyǵa qosymsha alkogóldi sýsyn satýdan bas tartylǵannan keıin ol bortserikterge qol kótergen.