Resei prezidenti Vladimir Pýtin Aqtaý mańynda bolǵan áýe apatyna bailanysty pikir bildirdi, dep habarlaidy Dalanews.kz.
“Qaza tapqandardyń otbasy men jaqyndaryna kóńil aitamyn. Jaraqat alǵandardyń tez saýyǵyp ketýin tileimiz. Qazaqstan Prezidentimen kelise otyryp, Aqtaýǵa Resei TJM-niń meditsinalyq mamandary men qajetti jabdyqtary bar ushaǵy jóneltildi”, – dedi Pýtin Leningrad oblysynda ótip jatqan TMD elderi kóshbasshylarynyń beiresmi sammiti barysynda.
Aita keteiik, memleket basshysy Qasym-Jomart Toqaev Ilham Álievke kóńil aitty. Ol Mańǵystaý oblysynda Ázerbaijannyń áýe joldary ushaǵy apatqa ushyrap, ekipaj músheleri men jolaýshylardyń qaza tapqany týraly sýyt habardy tereń kúizelispen qabyldaǵanyn jetkizdi.
“Orny tolmas aýyr qaiǵyǵa ortaqtasa otyryp, Sizge, qaza tapqan azamattardyń týǵan-týystaryna jáne barsha Ázerbaijan halqyna kóńil aitamyn. Meniń tapsyrmammen Qazaqstan Úkimeti memlekettik komissiia qurdy. Komissiia qutqarý operatsiiasy aiasynda tiisti sharalar qabyldap, Ázerbaijan tarapyna qajetti kómek kórsetedi”, – delingen jedelhatta.
Eske salaiyq, 25 jeltoqsanda Aqtaý mańynda ushaq apatqa ushyrady. Azerbaijan Airlines aviakompaniiasyna tiesili ushaq Bakýden Groznyiǵa ushyp bara jatqan.
