ۇشاق اپاتى: پۋتين زارداپ شەككەندەرگە كٶمەك جٸبەرەتٸنٸن مەلٸمدەدٸ

رەسەي پرەزيدەنتٸ ۆلاديمير پۋتين اقتاۋ ماڭىندا بولعان ەۋە اپاتىنا بايلانىستى پٸكٸر بٸلدٸردٸ, دەپ حابارلايدى Dalanews.kz.

“قازا تاپقانداردىڭ وتباسى مەن جاقىندارىنا كٶڭٸل ايتامىن. جاراقات العانداردىڭ تەز ساۋىعىپ كەتۋٸن تٸلەيمٸز. قازاقستان پرەزيدەنتٸمەن كەلٸسە وتىرىپ, اقتاۋعا رەسەي تجم-نٸڭ مەديتسينالىق ماماندارى مەن قاجەتتٸ جابدىقتارى بار ۇشاعى جٶنەلتٸلدٸ”, – دەدٸ پۋتين لەنينگراد وبلىسىندا ٶتٸپ جاتقان تمد ەلدەرٸ كٶشباسشىلارىنىڭ بەيرەسمي سامميتٸ بارىسىندا.

ايتا كەتەيٸك, مەملەكەت باسشىسى قاسىم-جومارت توقاەۆ يلحام ەليەۆكە كٶڭٸل ايتتى. ول ماڭعىستاۋ وبلىسىندا ەزەربايجاننىڭ ەۋە جولدارى ۇشاعى اپاتقا ۇشىراپ, ەكيپاج مٷشەلەرٸ مەن جولاۋشىلاردىڭ قازا تاپقانى تۋرالى سۋىت حاباردى تەرەڭ كٷيزەلٸسپەن قابىلداعانىن جەتكٸزدٸ.

“ورنى تولماس اۋىر قايعىعا ورتاقتاسا وتىرىپ, سٸزگە, قازا تاپقان ازاماتتاردىڭ تۋعان-تۋىستارىنا جەنە بارشا ەزەربايجان حالقىنا كٶڭٸل ايتامىن. مەنٸڭ تاپسىرماممەن قازاقستان ٷكٸمەتٸ مەملەكەتتٸك كوميسسييا قۇردى. كوميسسييا قۇتقارۋ وپەراتسيياسى اياسىندا تيٸستٸ شارالار قابىلداپ, ەزەربايجان تاراپىنا قاجەتتٸ كٶمەك كٶرسەتەدٸ”, – دەلٸنگەن جەدەلحاتتا.

ەسكە سالايىق, 25 جەلتوقساندا اقتاۋ ماڭىندا ۇشاق اپاتقا ۇشىرادى. Azerbaijan Airlines اۆياكومپانيياسىنا تيەسٸلٸ ۇشاق باكۋدەن گروزنىيعا ۇشىپ بارا جاتقان.