Úsh bige eskertkish ornatyldy
Áiteke bi Báibekulynyń 375 jyldyq mereitoiy QR Mádeniet jáne sport ministriniń 2018 jylǵy 25 tamyzdaǵy №228 buiryǵy boiynsha 2019-2021 jyldary ótkiziletin mereitoilar men ataýly kúnderdiń tizbesine engizilgen bolatyn. Osyǵa orai, halyqaralyq «Jeti jarǵy» jáne «Qojabergen jyraý» qaiyrymdylyq qory Túrkistan oblysy, Qazyǵurt aýdanynda Shymkent - Tashkent halyqaralyq kúre jolynyń boiyndaǵy «Babalar rýhyna taǵzym» keshenine ultymyzdyń Uly bileri Tóle bi, Qazybek bi, Áiteke bilerge biik tas tuǵyr ústindegi aibyndy eskertkishterin ornatty.
Eskertkish QR Mádeniet jáne sport ministrliginiń arnaiy komissiiasynyń sheshimine sáikes, quzyrly organnyń buiryǵymen bekitilgen.
Eskertkishtiń ashylýyna Túrkistan oblysynyń ákimi Ómirzaq Shúkeev, «Ardagerler uiymy» respýblikalyq qoǵamdyq birlestiginiń ortalyq keńesiniń tóraǵasy, QR Parlamenti Májilisiniń depýtaty Baqtyqoja Izmuhambetov, Memlekettik organdardyń ókilderi, QR Parlamenti Májilis jáne Senat depýtattary, qoǵam qairatkerleri, ziialy qaýym ókilderi men oblys jurtshylyǵy qatysady.
Respýblikaǵa eńbegi sińgen tanymal ánshilerdiń kontserttik baǵdarlamasymen, ulttyq sport oiyndarymen jalǵasyp,Uly bilerge arnalǵan as beriledi.
Bul eskertkishti ornatý ideiasyn oilastyryp, tuǵyryna qondyrǵan belgili ultjandy azamat, memleketshil qairatker, zań ǵylymdarynyń doktory, professor Beket Turǵaraev. Byltyr osy «Babalar rýhyna taǵzym» keshenine Orbulaq shaiqasy jeńisiniń 375 jyldyq mereitoiyna orai uly jeńistiń qaharmandary Salqam Jáńgir han men Jalańtós Bahadúrge arnap, ekeýiniń at ústindegi aibyndy eskertkishi ornatylǵan bolatyn.
Sharanyń ótetin ýaqyty: 2019 jyl, 27 sáýir, 10.00.
Ótetin orny:Túrkistan oblysy, Qazyǵurt aýdany Shymkent - Tashkent halyqaralyq kúre jolynyń 45 shaqyrymyndaǵy Saraphana aýyly.
