Ishki ister ministrligi ata-analarǵa úndeý jasady, - dep habarlaidy Dalanews.kz.
IIM málimetinshe, biyl úsh aida búkil el boiynsha tyiym salynǵan zattardy saqtaýǵa jáne taratýǵa qatysy bar degen kúdikpen 23 jasóspirim ustaldy. Olardyń ishinde kolledjderdiń birinshi kýrs stýdentteri men 9-11 synyp oqýshylary bar.
"Esterińizge sala keteiik, zańdy bilmeý jaýapkershilikten bosatpaidy. Esirtki qylmysy úshin qylmystyq jaýapkershilik 16 jastan bastalady. Qazaqstan Respýblikasynyń Qylmystyq kodeksiniń 296 jáne 297-baptaryna sáikes esirtkini saqtaǵany jáne taratqany úshin bas bostandyǵynan aiyrý jazasy kózdelgen", delingen úndeýde.
Budan basqa, Qylmystyq kodekstiń 299-1-babynda esirtkini, onyń ishinde internet jáne áleýmettik jeliler arqyly nasihattaý men jarnamalaý úshin qylmystyq jaýapkershilik qarastyrylady.
"Qurmetti ata-analar! Sizderdi balalaryńyzdyń ortasyna jáne olardyń bos ýaqytynda ne isteitinine erekshe nazar aýdarýǵa shaqyramyz. Qaýiptiń aldyn alý mańyzdy! Balalardyń bolashaǵy bizdiń qolymyzda! Tek birlesip qana biz esirtkisiz qaýipsiz qoǵamdy qura alamyz!" - dedi IIM esirtki qylmysyna qarsy is-qimyl komiteti tóraǵasynyń orynbasary Qýandyq Áljanov.
