Antaliiadan Astanaǵa baǵyt alǵan ushaq bortynda tártip buzǵan jolaýshy 10 táýlikke ákimshilik qamaýǵa alyndy, dep habarlaidy dalanews.kz.
Belgili bolǵandai, reis kezinde alkogoldik ishimdik ishken er adam ózin agressivti ustap, bylapyt sózder aitqan. Sondai-aq onyń áreketi ózge jolaýshylarǵa kedergi keltirgen.
Ushaq Astana áýejaiyna qonǵannan keiin ekipaj 44 jastaǵy jolaýshyny kólik politsiiasynyń qyzmetkerlerine tapsyrǵan. Alaida er adam áýejaida da tártip saqshylarynyń zańdy talaptaryna baǵynbai, qarsylyq kórsetken.
Nátijesinde Astana turǵynynyń áreketine quqyqtyq baǵa berilip, sot sheshimimen ol 10 táýlikke ákimshilik qamaýǵa alyndy.
