Sharaǵa Úrjar aýdanynyń ákimi, oblystyq jáne aýdandyq máslihat depýtattary, aýdandyq ardagerler keńesi men ziialy qaýym ókilderi, joba avtory, Almaty qalasy qoǵamdyq keńesi mádeni saiasat komissiiasynyń tóraǵasy, qoǵam qairatkeri – Shalabaev Qusman Kárimuly bastaǵan bir top delegatsiia qatysty.
«Teńdesi joq erliktiń simvolyndai bul eskertkish elge kerek, keleshek urpaqqa kerek, qazaqtyń yntymaq-birligi úshin kerek. Bul eskertkish – halqymyzdyń qaharmandyǵy men birliginiń kýási. Jas urpaqty patriotizmge baýlýda baǵa jetpes úlgi-ónege bolyp qalatyndyǵy sózsiz» , - dedi sharanyń shymyldyǵyn túrgen Úrjar aýdanynyń ákimi Serik Zainýldin.
Sonymen qatar, eskertkishtiń boi kóterýine qarjylai qoldaý kórsetken Qusman Kárimuly Shalabaevqa aýdan halqynyń atynan alǵys bildirdi.
Eskertkishtiń avtory elimizge tanymal músinshi Bolat Dalbasuly Qusaiynov. Batyr eskertkishiniń biiktigi 10 metr, granit tastan qashalyp jasalǵan. Shara aiasynda músinshi Bolat Qusaiynovqa Úrjar aýdany máslihatynyń sheshimimen aýdannyń Qurmetti azamaty ataǵy berildi.
Joba avtory batyrdyń beinesine erekshe nazar aýdarǵan. Óitkeni shaiyrdyń beinesi ádettegidei attyń ústinde emes, qasqaiyp tik tur.
[caption id="attachment_25548" align="aligncenter" width="396"]
«Jer-jerde atpen turǵan batyrlardyń barlyǵy bir-birine uqsas, ajyrata almaimyz. Tek qana batyr degen aty ǵana. Tipti at pen batyrdyń beinesi bir – birine sáikes kelmeidi. Sondyqtan bizdiń eskertkishke bergen obrazymyz, sońǵy túiindegen oiymyz – bilektiń kúshi, naizanyń ushy. Osyndai ásermen jasalǵan obrazdyq dúnie bolyp shyqty»
dedi Qusman Shalabaev.
Sonymen qatar, shara barysynda Qabanbai batyrǵa arnalǵan ǵylymi – tanymdyq konferentsiia ótti. Batyrdyń rýhyna arnalǵan as berildi. Aita keteiik, biyl Úrjar jurtshylyǵy batyr babamyzdyń 325 jyldyǵyn atap ótpekshi.
