شاراعا ءۇرجار اۋدانىنىڭ اكىمى، وبلىستىق جانە اۋداندىق ءماسليحات دەپۋتاتتارى، اۋداندىق ارداگەرلەر كەڭەسى مەن زيالى قاۋىم وكىلدەرى، جوبا اۆتورى، الماتى قالاسى قوعامدىق كەڭەسى مادەني ساياسات كوميسسياسىنىڭ ءتوراعاسى، قوعام قايراتكەرى – شالابايەۆ قۇسمان كارىم ۇلى باستاعان ءبىر توپ دەلەگاسيا قاتىستى.
«تەڭدەسى جوق ەرلىكتىڭ سيمۆولىنداي بۇل ەسكەرتكىش ەلگە كەرەك، كەلەشەك ۇرپاققا كەرەك، قازاقتىڭ ىنتىماق-بىرلىگى ءۇشىن كەرەك. بۇل ەسكەرتكىش – حالقىمىزدىڭ قاhارماندىعى مەن بىرلىگىنىڭ كۋاسى. جاس ۇرپاقتى پاتريوتيزمگە باۋلۋدا باعا جەتپەس ۇلگى-ونەگە بولىپ قالاتىندىعى ءسوزسىز» ، - دەدى شارانىڭ شىمىلدىعىن تۇرگەن ءۇرجار اۋدانىنىڭ اكىمى سەرىك زاينۋلدين.
سونىمەن قاتار، ەسكەرتكىشتىڭ بوي كوتەرۋىنە قارجىلاي قولداۋ كورسەتكەن قۇسمان كارىم ۇلى شالابايەۆقا اۋدان حالقىنىڭ اتىنان العىس ءبىلدىردى.
ەسكەرتكىشتىڭ اۆتورى ەلىمىزگە تانىمال ءمۇسىنشى بولات دالباس ۇلى قۇسايىنوۆ. باتىر ەسكەرتكىشىنىڭ بيىكتىگى 10 مەتر، گرانيت تاستان قاشالىپ جاسالعان. شارا اياسىندا ءمۇسىنشى بولات قۇسايىنوۆقا ءۇرجار اۋدانى ءماسليحاتىنىڭ شەشىمىمەن اۋداننىڭ قۇرمەتتى ازاماتى اتاعى بەرىلدى.
جوبا اۆتورى باتىردىڭ بەينەسىنە ەرەكشە نازار اۋدارعان. ويتكەنى شايىردىڭ بەينەسى ادەتتەگىدەي اتتىڭ ۇستىندە ەمەس، قاسقايىپ تىك تۇر.
[caption id="attachment_25548" align="aligncenter" width="396"]
قۇسمان شالابايەۆ[/caption]
«جەر-جەردە اتپەن تۇرعان باتىرلاردىڭ بارلىعى بىر-بىرىنە ۇقساس، اجىراتا المايمىز. تەك قانا باتىر دەگەن اتى عانا. ءتىپتى ات پەن باتىردىڭ بەينەسى ءبىر – بىرىنە سايكەس كەلمەيدى. سوندىقتان ءبىزدىڭ ەسكەرتكىشكە بەرگەن وبرازىمىز، سوڭعى تۇيىندەگەن ويىمىز – بىلەكتىڭ كۇشى، نايزانىڭ ۇشى. وسىنداي اسەرمەن جاسالعان وبرازدىق دۇنيە بولىپ شىقتى»
دەدى قۇسمان شالابايەۆ.
سونىمەن قاتار، شارا بارىسىندا قابانباي باتىرعا ارنالعان عىلىمي – تانىمدىق كونفەرەنسيا ءوتتى. باتىردىڭ رۋحىنا ارنالعان اس بەرىلدى. ايتا كەتەيىك، بيىل ءۇرجار جۇرتشىلىعى باتىر بابامىزدىڭ 325 جىلدىعىن اتاپ وتپەكشى.
