Forým barsynda Qazaqstan men Qytai arasyndaǵy investitsiialyq yntymaqtastyqty nyǵaitý maqsatynda birneshe memorandýmǵa qol qoiyldy, dep habarlaidy Dalanews.kz.
Kezdesý barysynda taraptar týrizm, temir joldardy damytý, jańa shekara ótkelderin salý, aýyl sharýashylyǵy ónimderin jetkizý kólemin ulǵaitý salalaryndaǵy yntymaqtastyqty keńeitý múmkindigin talqylady.
Halyqaralyq forýmǵa Túrkistan oblysy ákiminiń apparatynan Túrkistan oblysy ákiminiń orynbasary Nuralhan Kósherov, jáne «Turkistan Invest» JShS basqarma tóraǵasy Berik Kenjebaev qatysty.
Nuralhan Kósherov oblysqa investitsiia tartý maqsatynda Qytailyq kompaniialarmen kelissózder júrgizip, V2V formatyndaǵy kezdesýlerge qatysty. Nátijesinde jalpy quny 7,65 mlrd.tg quraityn birneshe memorandýmǵa qol qoidy.
Memorandým aiasynda Túrkistan oblysynda Qazaq - Qytai birlesken qurylys salasynda jańa jobalar júzege aspaq. Kelisimshart nátijesinde «GLOBAL ECOPROJECT» JShS - nyń Shlagbaýmdyq qorshaýlar men jaryqtandyrý tirekterin shyǵaratyn zaýyt ashylady jáne «Altyn Land» JShS - zamanaýi qurylysqa qajetti kirpish óndirisi jobasy iske asyrady.
Aita keteiik, 2023 jyly QR men QHR arasyndaǵy ekijaqty saýda kólemi $31,5 mlrd (+30,1%) jetti, QR eksportyn qosqanda – $14,7 mlrd (+12,6%). 2024 jyldyń qańtar-sáýir ailarynda taýar ainalymy $9 mlrd qurady, bul ótken jyldyń sáikes kezeńimen salystyrǵanda 10,3%-ǵa joǵary.
