فورۋم بارسىندا قازاقستان مەن جۇڭگو اراسىنداعى ينۆەستيسيالىق ىنتىماقتاستىقتى نىعايتۋ ماقساتىندا بىرنەشە مەموراندۋمعا قول قويىلدى،  دەپ حابارلايدى Dalanews.kz. 

كەزدەسۋ بارىسىندا تاراپتار تۋريزم، تەمىر جولداردى دامىتۋ، جاڭا شەكارا وتكەلدەرىن سالۋ، اۋىل شارۋاشىلىعى ونىمدەرىن جەتكىزۋ كولەمىن ۇلعايتۋ سالالارىنداعى ىنتىماقتاستىقتى كەڭەيتۋ مۇمكىندىگىن تالقىلادى.

حالىقارالىق فورۋمعا تۇركىستان وبلىسى اكىمىنىڭ اپپاراتىنان تۇركىستان وبلىسى اكىمىنىڭ ورىنباسارى نۇرالحان كوشەروۆ، جانە «Turkistan Invest» ج ش س باسقارما ءتوراعاسى بەرىك كەنجەبايەۆ قاتىستى.

نۇرالحان كوشەروۆ وبلىسقا ينۆەستيسيا تارتۋ ماقساتىندا قىتايلىق كومپانيالارمەن كەلىسسوزدەر جۇرگىزىپ، ۆ2ۆ فورماتىنداعى كەزدەسۋلەرگە قاتىستى. ناتيجەسىندە جالپى قۇنى 7،65 ملرد.تگ قۇرايتىن بىرنەشە مەموراندۋمعا قول قويدى.

مەموراندۋم اياسىندا تۇركىستان وبلىسىندا قازاق - جۇڭگو بىرلەسكەن قۇرىلىس سالاسىندا جاڭا جوبالار جۇزەگە اسپاق. كەلىسىمشارت ناتيجەسىندە «GLOBAL ECOPROJECT» ج ش س - نىڭ شلاگباۋمدىق قورشاۋلار مەن جارىقتاندىرۋ تىرەكتەرىن شىعاراتىن زاۋىت اشىلادى جانە «Altyn Land» ج ش س - زاماناۋي قۇرىلىسقا قاجەتتى كىرپىش ءوندىرىسى جوباسى ىسكە اسىرادى.

ايتا كەتەيىك، 2023 جىلى ق ر مەن قحر اراسىنداعى ەكىجاقتى ساۋدا كولەمى $31،5 ملرد (+30،1%) جەتتى، ق ر ەكسپورتىن قوسقاندا – $14،7 ملرد (+12،6%). 2024 جىلدىڭ ءقاڭتار-ساۋىر ايلارىندا تاۋار اينالىمى $9 ملرد قۇرادى، بۇل وتكەن جىلدىڭ سايكەس كەزەڭىمەن سالىستىرعاندا 10،3%-عا جوعارى.