2025 jyly UQK Shekara qyzmeti memlekettik shekarany qorǵaý aiasynda 1,5 tonnadan astam esirtki zattarynyń zańsyz ainalymǵa túsýine jol bermedi, dep habarlaidy Dalanews.kz.
Resmi málimetke sáikes, jyl ishinde shekara keńistiginde Qazaqstan zańnamasyn buzǵan 52 myńnan astam adam jaýapqa tartylǵan. Sondai-aq taýarlar men júkterdiń memlekettik shekara arqyly zańsyz tasymaldanýynyń 17 541 faktisi anyqtalyp, der kezinde toqtatylǵan.
Atap aitqanda, esirtki zattaryna qatysty 344 derek tirkelse, qarý men oq-dárilerdi zańsyz alyp ótýdiń 847 faktisiniń joly kesilgen. Sonymen qatar 315 dini ádebiet, 5 900 janar-jaǵarmai materialy, 8 083 halyq tutynatyn taýar jáne 2 052 valiýta tasymalyna tosqaýyl qoiylǵan.
Kaspii teńizi akvatoriiasynda da baqylaý kúsheitilgen. Nátijesinde 607 brakonerlik fakt anyqtalyp, 226 júzý quraly, 580 shaqyrym tor tárkilendi. Zańsyz aýlaýdan 2 376 bekire tuqymdas balyq, 7 193 qara balyq jáne 24 itbalyq alynǵan.
UQK dereginshe, qabyldanǵan sharalar arqyly aldyn alynǵan zalaldyń jalpy kólemi 75 mlrd teńgeden asty.
Jyl boiy Shekara qyzmeti otandyq quqyq qorǵaý organdarymen jáne sheteldik seriktestermen birlesip jumys júrgizgen. Atap aitqanda, 48 shekaralyq, 2 vedomstvoaralyq jáne 5 halyqaralyq operatsiiaǵa qatysqan.
Vedomstvo ókilderi memlekettik shekara qaýipsizdigin qamtamasyz etý jáne zańsyz ainalymǵa qarsy kúres baǵytyndaǵy jumystar jalǵasatynyn málimdedi.
