Qańtar oqiǵasy kezinde urlanǵan qarý-jaraq tabyldy, – dep habarlaidy Dalanews.kz.
Biyl jyl basynan beri UQK politsiia jáne prokýratýra organdarymen birlesip, 12 avtomat, 41 tapansha, 75 myltyq, 36 granata jáne ártúrli kalibrdegi 1 603 oq-dári tárkiledi.
UQK málimetinshe, bul qarýdyń edáýir bóligi Qańtar oqiǵasy kezinde urlanǵan.
Sonymen qatar, Qazaqstan aýmaǵyna qarýdy zańsyz ákelý derekteri tirkelgen.
"UQK kórshi elden keletin qarý kontrabandasy arnasynyń jolyn kesip, el aýmaǵynda on qarýdy satýǵa niettengen sheteldik azamatty ustady", - dep jazylǵan habarlamada.
Kúdikti qarý-jaraqty kóliktiń qaptamasyna jasyryp, QR azamattary arasyndaǵy sybailastarynyń kómegimen jetkizgen.
