Qazaqstan Ulttyq qaýipsizdik komiteti Nurlan Sabýrovtyń resei áskerine demeýshilik jasaǵanyn tekserip jatyr, dep habarlaidy Dalanews.kz.
Bul týraly komitettiń baspasóz qyzmeti Tengrinews.kz redaktsiiasynyń saýalyna bergen jaýabynda málimdedi.
Redaktsiia UQK-ǵa Sabýrovqa qatysty qylmystyq zańnamany buzý yqtimaldyǵy, sonyń ishinde Qylmystyq kodekstiń 170-baby boiynsha tekseris júrgizilip-júrgizilmegenin naqtylaý maqsatynda resmi suraý joldaǵan.
Atalǵan bap “Jaldamalylyq” dep atalady. Iaǵni soǵysqa, qarýly qaqtyǵystarǵa nemese memlekettiń aýmaqtyq tutastyǵyn buzýǵa baǵyttalǵan áreketterge adamdardy tartý, qarjylandyrý nemese daiyndaý qylmys bolyp sanalady. Mundai is-áreket úshin zańda 7 jyldan 12 jylǵa deiin bas bostandyǵynan aiyrý jazasy qarastyrylǵan.
Komitet ókilderi qysqa jaýap qaiyryp, “Aqparat nazarǵa alyndy, tiisti tekserý sharalary júrgizilip jatyr” dep málimdedi.
Aita keteiik, keiingi kúnderi áleýmettik jelilerde Nurlan Sabýrovtyń reseilik áskerilerge materialdyq kómek kórsetkeni jóninde beinejazbalar keńinen taraǵan edi.
Sondai-aq búgin Ýkrainada ázilkeshke qatysty qylmystyq tergeý bastalǵany belgili boldy.
Tergeý amaldaryn Ýkraina Qaýipsizdik qyzmetijúrgizip jatyr. Is Ýkraina Qylmystyq kodeksiniń 111-2-babynyń 1-bóligi «memleket-agressorǵa járdemdesý» baby boiynsha qaralyp jatyr.
Bul týraly ýkrainalyq zańger Andrei Pronin habarlady. Onyń aitýynsha, tergeý aiasynda Sabýrovtyń Reseidiń qarýly qurylymdary ókilderine materialdyq qoldaý kórsetýi múmkin degen derekter tekserilip jatyr.
Sonymen qatar Ýkraina biligi ázirge istiń naqty mán-jaiy men egjei-tegjeiine qatysty resmi aqparat taratqan joq.
