UQK Murathan Toqmádidiń ustalýyna qatysty pikir bildirdi
"2018 jylǵy 8 naýryzda 19 saǵat 20 minýt shamasynda 1966 jyly týylǵan, Shyǵys Qazaqstan oblysy, Aiagóz qalasynyń týmasy Muhtar Ábilázovtiń tapsyrysy boiynsha "Turan Álem Banki" AQ burynǵy basqarma tóraǵasy Erjan Tátishevti qasaqana óltirdi degen kúdikti Murathan Shakerhanuly Toqmadi Jambyl oblystyq aýrýhanasy mekemesinen qashý áreketin jasady", - delingen habarlamada.
UQK baspasóz qyzmetiniń málimetinshe, cot protsesi kezinde qylmystyq ister boiynsha mamandandyrylǵan aýdanaralyq sot Murathan Toqmádi densaýlyǵynyń nasharlyǵyna shaǵym aityp osy oraida ýaqytsha Jambyl oblystyq aýrýhanasynda bolǵan.
"Qabyldanǵan sharalar nátijesinde Murathan Toqmadi Taraz qalasynyń jaǵdaiynda jedel ustalyp, Jambyl oblysy boiynsha QAJD JD-158/1 (Jambyl oblystyq IID Tergeý izoliatory) mekemesine qamaldy. Qazirgi kezde M.Sh. Toqmadidiń qashýyna yqpal etken jaǵdailar men sebepter anyqtalyp jatyr", - delingen UQK habarlamasynda.
Osyǵan deiin biznesmenniń ustalǵany jaily málimet taralǵan edi. Bul málimetti QR Ishki ister ministrligi Jedel basqarma ortalyǵynyń ókilderi rastaǵan bolatyn.
Keibir málimetterge qaraǵanda, Toqmádi Tarazdaǵy №1 yqshamaýdanda ustaldy. Al keshe, 8 naýryzda áleýmettik jelilerde Murathan Toqmádidiń qashyp ketkeni jaily málimet taralǵan-dy.
