"2018 جىلعى 8 ناۋرىزدا 19 ساعات 20 مينۋت شاماسىندا 1966 جىلى تۋىلعان، شىعىس قازاقستان وبلىسى، اياگوز قالاسىنىڭ تۋماسى مۇحتار ءابىلازوۆتىڭ تاپسىرىسى بويىنشا "تۇران الەم بانكى" اق بۇرىنعى باسقارما ءتوراعاسى ەرجان تاتىشيەۆتى قاساقانا ءولتىردى دەگەن كۇدىكتى مۇراتحان شاكەرحان ۇلى توقمادي جامبىل وبلىستىق اۋرۋحاناسى مەكەمەسىنەن قاشۋ ارەكەتىن جاسادى"، - دەلىنگەن حابارلامادا.
ۇقك باسپا ءسوز قىزمەتىنىڭ مالىمەتىنشە، cوت پروسەسى كەزىندە قىلمىستىق ىستەر بويىنشا مامانداندىرىلعان اۋدانارالىق سوت مۇراتحان ءتوقمادي دەنساۋلىعىنىڭ ناشارلىعىنا شاعىم ايتىپ وسى ورايدا ۋاقىتشا جامبىل وبلىستىق اۋرۋحاناسىندا بولعان.
"قابىلدانعان شارالار ناتيجەسىندە مۇراتحان توقمادي تاراز قالاسىنىڭ جاعدايىندا جەدەل ۇستالىپ، جامبىل وبلىسى بويىنشا قاجد جد-158/1 (جامبىل وبلىستىق ءىىد تەرگەۋ يزولياتورى) مەكەمەسىنە قامالدى. قازىرگى كەزدە م.ش. ءتوقماديدىڭ قاشۋىنا ىقپال ەتكەن جاعدايلار مەن سەبەپتەر انىقتالىپ جاتىر"، - دەلىنگەن ۇقك حابارلاماسىندا.
وسىعان دەيىن بيزنەسمەننىڭ ۇستالعانى جايلى مالىمەت تارالعان ەدى. بۇل مالىمەتتى ق ر ىشكى ىستەر مينيسترلىگى جەدەل باسقارما ورتالىعىنىڭ وكىلدەرى راستاعان بولاتىن.
كەيبىر مالىمەتتەرگە قاراعاندا، ءتوقمادي تارازداعى №1 ىقشاماۋداندا ۇستالدى. ال كەشە، 8 ناۋرىزدا الەۋمەتتىك جەلىلەردە مۇراتحان ءتوقماديدىڭ قاشىپ كەتكەنى جايلى مالىمەت تارالعان-دى.
