UQK Jambyl oblysynda asa iri kólemde esirtki tasymaldaǵandar men satqandardy quryqtady, - dep habarlaidy Dalanews.kz.
UQK málimetinshe, biyl qazanda UQK Jambyl oblysy boiynsha departamenti prokýratýra organdarynyń úilestirýimen qatysýshylary esirtkini asa iri kólemde tasymaldady jáne satty degen kúdikpen eki esirtki tobynyń áreketiniń jolyn kesti.
"T.Rysqulov jáne Merki aýdandarynda 14 kg-dan astam gashish pen 42 kg marihýanany satýǵa árekettengen eki adam ustalyp, sot sanktsiiasymen qamaýǵa alyndy", - dep jazylǵan habarlamada.
Qylmystyq kodekstiń 297-baby 3-bóligi boiynsha sotqa deiingi tergep-tekserý júrgizilip jatqany belgili boldy.
Aita keteiik, buǵan deiin Almaty oblysynda politsiia esirtki zerthanasyn joiǵan bolatyn.
“Qarasora – 2024” jedel-profilaktikalyq is-shara barysynda esirtki qylmysyna qarsy is-qimyl basqarmasynyń qyzmetkerleri Besaǵash aýylynyń mańynda psihotroptyq zattardy zańsyz óndirdi degen kúdiktini ustady. Politsiia toqtatqan kólikti tekserý barysynda jolaýshylar oryndyǵynda 22 jastaǵy er adam bolǵan.
Jeke tintý barysynda odan erekshe iisi, untaq zaty bar qara polietilen paket tabylyp, tárkilendi.
Psihotroptyq zattardy zańsyz daiyndaý faktisi boiynsha qylmystyq is qozǵaldy. Kúdikti qamaýǵa alyndy.
