Ulttyq qaýipsizdik komıteti týraly erejege kelesi quqyqtar qosyldy, dep habarlaıdy Dalanews.kz.

Atap aıtqanda:

• Aqparattyq júıelerdi jáne elektrondyq aqparattyq resýrstardy, arnaıy tehnıkalyq quraldardy, baılanys júıelerin, arnaıy maqsattaǵy telekomýnıkasıalar jelilerin, derekterdi berý júıelerin, aqparattyń tehnıkalyq arnalar arqyly taralyp ketýinen qorǵaý quraldaryn, olardy baǵdarlamalyq qamtylymyn, qarý-jaraq pen jaraqtardy ázirleý, satyp alý, qurý (krıptografıalyq qorǵaý quraldaryn qospaǵanda), iske qosý jáne paıdalaný, shıfrlaý jáne shıfrdy ashý jumystaryn uıymdastyrý. Osy maqsattarda Qazaqstan Respýblıkasynyń memlekettik organdarymen jáne menshik nysanyna qaramastan uıymdarymen, shet memleketterdiń arnaýly qyzmetterimen jáne uıymdarymen sharttar, kelisimsharttar jasaý;

• memlekettik qupıalardy quraıtyn málimetterdi qamtıtyn elektrondyq aqparattyq resýrstardy qurý, alý, jınaqtaý, qalyptastyrý, tirkeý, saqtaý, óńdeý, joıý, paıdalaný, berý, qorǵaý;


• memlekettik qupıalarǵa jatqyzylǵan, qorǵalyp oryndalǵan aqparattyq júıelerdi qurý, paıdalaný, damytýdy, qoldap otyrýdy, ıntegrasıalaýdy, paıdalanýdy toqtatýdy, qorǵaýdy júrgizý;


• memlekettik qupıalardy quraıtyn málimetterdi qamtıtyn elektrondyq qujattardy jáne ózge de derekterdi memlekettik qupıalarǵa jatqyzylǵan, qorǵalyp oryndalǵan aqparattyq júıelerdi paıdalana otyryp jınaýdy, óńdeýdi, saqtaýdy, berýdi, izdeýdi, taratýdy, paıdalanýdy, qorǵaýdy, tirkeýdi, rastaýdy jáne joıýdy júzege asyrý;


• ulttyq qaýipsizdik organdary qyzmetkerleriniń arnaýly tekserý júrgiz

Sonymen qatar vedomstvoǵa jańa mindetter júkteledi:

• memlekettik qyzmetke alǵash ret nemese memlekettik qyzmetti toqtatqannan keıin oǵan qaıta kiretin, sondaı-aq sýdıa, Qazaqstan Respýblıkasy Ulttyq Bankiniń jáne onyń vedomstvolarynyń qyzmetshisi, qarjy naryǵy men qarjy uıymdaryn retteý, baqylaý jáne qadaǵalaý jónindegi ýákiletti organnyń qyzmetshisi, azamattyq avıasıa salasyndaǵy ýákiletti uıymnyń avıasıalyq qaýipsizdik salasynda baqylaý men qadaǵalaý fýnksıalaryn júzege asyratyn avıasıa ınspektory laýazymyna ornalasýǵa úmitker Qazaqstan Respýblıkasynyń azamattaryna arnaıy tekserý júrgizýge jónindegi nusqaýlyqty ázirleý;


• memlekettik qupıalardy jáne olardyń kózderin shet memleketterge jáne (nemese) halyqaralyq uıymdarǵa berý qaǵıdalaryn ázirleý;


• memlekettik qupıalardy qorǵaý salasyndaǵy normatıvtik quqyqtyq aktilerdi memlekettik qupıalardy qorǵaýdyń maqsaty men mindetterine sáıkes ázirleý jáne bekitý;


• áskerı, arnaýly oqý oryndarynan nemese shet memleketterdiń bilim berý uıymdarynan ulttyq qaýipsizdik organdarynyń qyzmetkerleri men áskerı qyzmetshilerin shyǵaryp jiberý qaǵıdalaryn ázirleý jáne bekitý


• ulttyq qaýipsizdik organdarynda kadrlyq quramdy patrıottyq, adamgershilik jáne rýhanı tárbıeleýge jáne quqyq buzýshylyqtardyń aldyn alýǵa baǵyttalǵan jumysty júzege asyrý qaǵıdalaryn ázirleý jáne bekitý;


• Qazaqstan Respýblıkasynyń aýmaǵynda syrtqy barlaý salasyndaǵy zańdylyqtyń saqtalýyna joǵary qadaǵalaýdy júzege asyratyn ýákiletti prokýrorlardyń tizbesin kelisý;

Sonymen qatar Qazaqstan Respýblıkasy Prezıdentiniń jáne Qazaqstan Respýblıkasynyń Tuńǵysh Prezıdentiniń – Elbasynyń qaýipsizdigin qamtamasyz etýge qatysýdy - Qazaqstan Respýblıkasy Prezıdentiniń qaýipsizdigin qamtamasyz etýge qatysý dep ózgertýdi josparlap otyr. («Qazaqstan Respýblıkasynyń Tuńǵysh Prezıdenti - Elbasy týraly» Konstıtýsıalyq zańynyń kúshi joıýyna baılanysty)

Joǵaryda atalǵan QR Prezıdentiniń Jarlyǵyn iske asyrý maqsatynda «Qazaqstan Respýblıkasynyń keıbir zańnamalyq aktilerine ulttyq qaýipsizdikti qamtamasyz etý jáne Qazaqstan Respýblıkasynyń arnaýly memlekettik organdaryndaǵy qyzmet máseleleri boıynsha ózgerister men tolyqtyrýlar engizý týraly» 2023 jylǵy 23 jeltoqsandaǵy zańmen Ulttyq qaýipsizdik organdarynyń qyzmetin retteıtin zańdarǵa artyq reglamentteıtin normalardy alyp tastaýdy qarastyratyn birqatar sáıkes ózgertýler engizildi.

Osyǵan baılanysty, Jarlyq jobasymen UQO birqatar jekelegen quqyqtary, mindetteri, ókilettikteri jáne fýnksıalary Qazaqstan Respýblıkasynyń Prezıdenti Jarlyǵynyń deńgeıine kóshiriledi.

Odan basqa Jarlyq jobasymen UQO keıbir qaıtalanatyn fýnksıalaryn alyp tastaý qarastyrylǵan.

Jarlyq jobasy respýblıkalyq búdjetten qosymsha qarajattyń bólinýin talap etpeıdi.

Jarlyq jobasyn qabyldaý teris áleýmettik jáne ekonomıkalyq saldarǵa ákep soqtyrmaıdy.

Qujat 9 aqpanǵa deıin qoǵamdyq talqylaý úshin NQA saıtynda ornalastyrylǵan.