Arnaiy operatsiianyń anyq-qanyǵy birtindep belgili bolýda.
Tintý "QazQurylysÁinek" zaýytynda júrgizilgen. Kompaniianyń bas direktory tanymal kásipker Murathan Toqmádi. Buǵan qatysty Azattyqqa pikir bildirgen Toqmádidiń orynbasary Liýdmila Shepelova basshysynyń qaida ekenin bilmeitinin aitqan.
Al KTK arnasynyń paraqshasynda Shepelovanyń sózin joqqa shyǵaratyn video júr. Munda tekserýshiler Toqmádidiń úiinde tintý júrgizip jatqanǵa uqsaidy.
https://www.instagram.com/p/BVOmfwoDENx/?taken-by=ktktv
Buǵan qatysty 365info.kz saityna pikir bildirgen kúshtik qurylymdaǵy derekkóz arnaiy operatsiia barysynda ustalǵan biznesmenniń aty-jónin aitpaǵan eken.
"Ol áinek zaýytynyń basshysy ári "Depýtatskii korpýs" dep atalatyn uiymdasqan qylmystyq toptyń serkesi. Ol uzaq jyldar boiy qylmystyq topqa jetekshilik etken, ári bopsalaýmen ainalysqan"
deidi derekkóz.
"Depýtatskii korpýs" dep atalatyn qylmystyq topqa jalǵyz adam jetekshilik etpeidi. Bulardyń aralarynda Mýrka, Ikan jáne Chempion degen laqap attary bar serkeler de bar. Top músheleriniń sany 35 adamǵa deiin jetýi múmkin.
Bular boks jáne kúres zaldaryna ielik etken ári Qytai-Qazaqstan shekarasy arqyly ótetin kontrabandany baqylaýyna alǵan.
Al Toqmádi degen kim?
Ol Orta Aziiadaǵy eń iri "QazQurylysÁinek" zaýytynyń iesi. 2008 jyly kompaniia "Altyn sapa" premiiasynyń laýreaty atanǵan. Ol sonymen qatar "Atameken" ulttyq ekonomikalyq palatasynyń prezidiým múshesi.
https://www.instagram.com/p/BVOfyOSjlK2/?taken-by=ktktv
