ارنايى وپەراسيانىڭ انىق-قانىعى بىرتىندەپ بەلگىلى بولۋدا.
ءتىنتۋ "قازقۇرىلىساينەك" زاۋىتىندا جۇرگىزىلگەن. كومپانيانىڭ باس ديرەكتورى تانىمال كاسىپكەر مۇراتحان ءتوقمادي. بۇعان قاتىستى ازاتتىققا پىكىر بىلدىرگەن ءتوقماديدىڭ ورىنباسارى ليۋدميلا شەپەلوۆا باسشىسىنىڭ قايدا ەكەنىن بىلمەيتىنىن ايتقان.
ال كتك ارناسىنىڭ پاراقشاسىندا شەپەلوۆانىڭ ءسوزىن جوققا شىعاراتىن ۆيدەو ءجۇر. مۇندا تەكسەرۋشىلەر ءتوقماديدىڭ ۇيىندە ءتىنتۋ جۇرگىزىپ جاتقانعا ۇقسايدى.
https://www.instagram.com/p/BVOmfwoDENx/؟taken-by=ktktv
بۇعان قاتىستى 365info.kz سايتىنا پىكىر بىلدىرگەن كۇشتىك قۇرىلىمداعى دەرەككوز ارنايى وپەراسيا بارىسىندا ۇستالعان بيزنەسمەننىڭ ءاتى-جونىن ايتپاعان ەكەن.
"ول اينەك زاۋىتىنىڭ باسشىسى ءارى "دەپۋتاتسكيي كورپۋس" دەپ اتالاتىن ۇيىمداسقان قىلمىستىق توپتىڭ سەركەسى. ول ۇزاق جىلدار بويى قىلمىستىق توپقا جەتەكشىلىك ەتكەن، ءارى بوپسالاۋمەن اينالىسقان"
دەيدى دەرەككوز.
"دەپۋتاتسكيي كورپۋس" دەپ اتالاتىن قىلمىستىق توپقا جالعىز ادام جەتەكشىلىك ەتپەيدى. بۇلاردىڭ ارالارىندا مۋركا، يكان جانە چەمپيون دەگەن لاقاپ اتتارى بار سەركەلەر دە بار. توپ مۇشەلەرىنىڭ سانى 35 ادامعا دەيىن جەتۋى مۇمكىن.
بۇلار بوكس جانە كۇرەس زالدارىنا يەلىك ەتكەن ءارى قىتاي-قازاقستان شەكاراسى ارقىلى وتەتىن كونتراباندانى باقىلاۋىنا العان.
ال ءتوقمادي دەگەن كىم؟
ول ورتا ازياداعى ەڭ ءىرى "قازقۇرىلىساينەك" زاۋىتىنىڭ يەسى. 2008 جىلى كومپانيا "التىن ساپا" پرەمياسىنىڭ لاۋرەاتى اتانعان. ول سونىمەن قاتار "اتامەكەن" ۇلتتىق ەكونوميكالىق پالاتاسىنىڭ پرەزيديۋم مۇشەسى.
https://www.instagram.com/p/BVOfyOSjlK2/؟taken-by=ktktv
