Jarysqa qalamyzdyń 20 joǵary oqý ornynan 120-dan astam sportshy qatysyp, 60 kg, 74 kg jáne 100 kg salmaq dárejesi boiynsha kúsh synasty. Dodaǵa halyqaralyq sanattaǵy tóreshiler tórelik etip, ádil baǵasyn berdi.
Jarys qorytyndysy boiynsha 60 kg salmaq dárejesi boiynsha 3 oryndy Qazaq sport jáne týrizm akademiiasynyń palýany Jambyl Madiiar jáne Abai atyndaǵy Qazaq ulttyq pedagogikalyq ýniversitetiniń palýany Yqyn Azamat ózara bólisse, 2 oryndy Qazaq sport jáne týrizm akademiiasynyń sportshysy Saǵatbek Samat qanjysyna bailady. Dál osy bilim ordasynyń palýany Ámiráli Jomart júldeli 1 oryndy jeńip aldy.
74 kg salmaq dárejesi boiynsha «Narhoz» ýniversitetiniń palýany Ábdikárim Bolat jáne Qazaq sport jáne týrizm akademiiasynyń palýany Turarbek Almas qola medal iegerleri atandy. Qazaq sport jáne týrizm akademiiasynyń eki birdei palýany Davaev Davron jáne Elibai Bijan kúmis jáne altyn medaldi jeńip aldy.
100 kg salmaq dárejesi boiynsha «Qainar» ýniversitetiniń stýdenti Jumabai Janserik pen Qazaq sport jáne týrizm akademiiasynyń stýdenti Orynbasar Kenesary 3 orynǵa ornalassa, 2 oryndy Qazaq sport jáne týrizm akademiiasynyń palýany Janataev Erasyl jeńip aldy. Abai atyndaǵy Qazaq ulttyq pedagogikalyq ýniversitetiniń palýany Barah Meirambek júldeli 1 orynǵa ornalasyp, altyn medal iegeri atandy. Sonymen qatar Barah Meirambekke 100 kg salmaq dárejesinde beldesken Qazaq SSR-niń eńbek sińirgen jattyqtyrýshysy, KSRO sport sheberi Amangeldi Ismagýlovtyń arnaiy júldesi men 100 000 teńge kóleminde aqshailai syilyq tabystaldy.
Jalpy qazaq kúresiniń júlde qory I orynǵa 150 000 teńgeni, II orynǵa 100 000 teńgeni, III orynǵa 50 000 teńgeni qurady.
Úzdik óner kórsetken sportshylar «Jas palýan», «Shapshań palýan», «Jigerli palýan», «Qajyrly palýan», «Sheber palýan» nominatsiialarymen jáne baǵaly syilyqtarmen marapattaldy.
Barlyq qatysýshy sportshylar men jarys barysyn ádil baǵalaǵan tóreshiler alqasy baǵaly syilyqtar jáne alǵyshattarmen marapattaldy.
Shara sońynda ýniversitet basshysy Takir Balyqbaev qara shańyraqtyń mereili merekesi aiasynda tuńǵysh ret uiymdastyrylǵan bul sporttyq doda aldaǵy ýaqytta dástúrli sharaǵa ainalatyndyǵyna úlken senim bildirdi.
Janatbek IShPEKBAEV, Abai atyndaǵy QazUPÝ-niń Tárbie jumysy jáne áleýmettik damý jónindegi prorektory, professor.
