شارانىڭ اشىلۋ سالتاناتىندا ءسوز سويلەگەن ۋنيۆەرسيتەت رەكتورى، پروفەسسور تاكير بالىقبايەۆ ءبىلىم وردامىزدىڭ 90 جىلدىعى اياسىندا ۇيىمداستىرىلىپ جاتقان اۋقىمدى شارالارىعا توقتالىپ، بارشا قاتىسۋشىلارعا ساتتىلىك تىلەدى. ءسوز كەزەگىن العان شارانىڭ ارنايى قوناقتارى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ قۇرمەتتى قىزمەتكەرى، ۇلتتىق سپورت ونەرىنىڭ جاناشىرى، گەنەرال-لەيتەنانت ءادىل شاياحمەتوۆ، قازاقستاننىڭ ەڭبەك سىڭىرگەن جاتتىقتىرۋشىسى، قازاق كۇرەسءى تۇڭعىش فەدەراسياسىنىڭ پرەزيدەنتى ەرعالي مۇحيتدينوۆ، الماتى قالاسى ءماسليحاتىنىڭ دەپۋتاتى، ۋنيۆەرسيتەتىمىزدىڭ باقىلاۋ كەڭەسىنىڭ مۇشەسى ماتىجانوۆ كەنجەحان، ق ر «دينامو» سپورت قوعامى ورتالىق كەڭەسى ءتوراعاسىنىڭ ورىنباسارى، كسرو جانگە ق ر ەڭبەك سىڭىرگەن جاتتىقتىرۋشىسى مارات قوشايەۆ، ق ر ەڭبەك سىڭىرگەن ءارتيسى ليۋسيا تۋلەشوۆا سپورتشىلارعا جىلى لەبىزدەرىن ءبىلدىرىپ، الداعى ويىندارىنا جەڭىستەر تىلەدى.
جارىسقا قالامىزدىڭ 20 جوعارى وقۋ ورنىنان 120-دان استام سپورتشى قاتىسىپ، 60 كگ، 74 كگ جانە 100 كگ سالماق دارەجەسى بويىنشا كۇش سىناستى. دوداعا حالىقارالىق ساناتتاعى تورەشىلەر تورەلىك ەتىپ، ءادىل باعاسىن بەردى.
جارىس قورىتىندىسى بويىنشا 60 كگ سالماق دارەجەسى بويىنشا 3 ورىندى قازاق سپورت جانە تۋريزم اكادەمياسىنىڭ پالۋانى جامبىل ماديار جانە اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پالۋانى ىقىن ازامات ءوزارا بولىسسە، 2 ورىندى قازاق سپورت جانە تۋريزم اكادەمياسىنىڭ سپورتشىسى ساعاتبەك سامات قانجىسىنا بايلادى. ءدال وسى ءبىلىم ورداسىنىڭ پالۋانى ءامىرالى جومارت جۇلدەلى 1 ورىندى جەڭىپ الدى.
74 كگ سالماق دارەجەسى بويىنشا «نارحوز» ۋنيۆەرسيتەتىنىڭ پالۋانى ابدىكارىم بولات جانە قازاق سپورت جانە تۋريزم اكادەمياسىنىڭ پالۋانى تۇراربەك الماس قولا مەدال يەگەرلەرى اتاندى. قازاق سپورت جانە تۋريزم اكادەمياسىنىڭ ەكى بىردەي پالۋانى داۆايەۆ داۆرون جانە ەلىباي بيجان كۇمىس جانە التىن مەدالدى جەڭىپ الدى.
100 كگ سالماق دارەجەسى بويىنشا «قاينار» ۋنيۆەرسيتەتىنىڭ ستۋدەنتى جۇماباي جانسەرىك پەن قازاق سپورت جانە تۋريزم اكادەمياسىنىڭ ستۋدەنتى ورىنباسار كەنەسارى 3 ورىنعا ورنالاسسا، 2 ورىندى قازاق سپورت جانە تۋريزم اكادەمياسىنىڭ پالۋانى جاناتايەۆ ەراسىل جەڭىپ الدى. اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پالۋانى باراح مەيرامبەك جۇلدەلى 1 ورىنعا ورنالاسىپ، التىن مەدال يەگەرى اتاندى. سونىمەن قاتار باراح مەيرامبەككە 100 كگ سالماق دارەجەسىندە بەلدەسكەن قازاق ءسسر-نىڭ ەڭبەك سىڭىرگەن جاتتىقتىرۋشىسى، كسرو سپورت شەبەرى امانگەلدى يسماگۋلوۆتىڭ ارنايى جۇلدەسى مەن 100 000 تەڭگە كولەمىندە اقشايلاي سىيلىق تابىستالدى.
جالپى قازاق كۇرەسىنىڭ جۇلدە قورى I ورىنعا 150 000 تەڭگەنى، II ورىنعا 100 000 تەڭگەنى، III ورىنعا 50 000 تەڭگەنى قۇرادى.
ۇزدىك ونەر كورسەتكەن سپورتشىلار «جاس پالۋان»، «شاپشاڭ پالۋان»، «جىگەرلى پالۋان»، «قاجىرلى پالۋان»، «شەبەر پالۋان» نوميناسيالارىمەن جانە باعالى سىيلىقتارمەن ماراپاتتالدى.
بارلىق قاتىسۋشى سپورتشىلار مەن جارىس بارىسىن ءادىل باعالاعان تورەشىلەر القاسى باعالى سىيلىقتار جانە العىسحاتتارمەن ماراپاتتالدى.
شارا سوڭىندا ۋنيۆەرسيتەت باسشىسى تاكير بالىقبايەۆ قارا شاڭىراقتىڭ مەرەيلى مەرەكەسى اياسىندا تۇڭعىش رەت ۇيىمداستىرىلعان بۇل سپورتتىق دودا الداعى ۋاقىتتا ءداستۇرلى شاراعا اينالاتىندىعىنا ۇلكەن سەنىم ءبىلدىردى.
جاناتبەك ىشپەكبايەۆ، اباي اتىنداعى ءقازۇپۋ-نىڭ تاربيە جۇمىسى جانە الەۋمەتتىك دامۋ جونىندەگى پرورەكتورى، پروفەسسور.
