Bishimbaevtyń advokattary Saltanat Núkenova qabyrǵadaǵy kirpish qalaýyna soǵylyp jaraqat alǵanyn aitty, - dep habarlaidy Dalanews.kz.
Sot otyrysynda Qýandyq Bishimbaevtyń qorǵaýshylary Saltanat Núkenova BAU meiramhanasynda soqqyǵa jyǵylǵan videony kórsetti.
Bishimbaevtyń advokaty Bishimbaev Saltanatty uryp jibergennen keiin Núkenova qabyrǵadaǵy kirpish qalaýyna soǵylǵanyn aitady.
Eks-ministrdiń qorǵaýshylary basqa meditsinalyq sarapshylardan jaýap alý týraly ótinish beredi.
Sýdia Bishimbaevtyń advokattarynyń ótinishin qanaǵattandyrmady.
Aita keteiik, 27 naýryzda eks-ministr Qýandyq Bishimbaevtyń isi boiynsha alqabiler tańdalǵan edi. Alqabiler alqasyna 12 adam irikteldi: 10 – negizgi quram, 2 – qosalqy. Sodan keiin ashyq sot otyrystary bastaldy.
Sonymen qatar, Qýandyq Bishimbaev sotta Saltanat Núkenovany asa qatygezdikpen óltirgenin moiyndamady. Bul oqiǵa 2023 jyly 9 qarashada Astana qalasyndaǵy BAU meiramhanasynda boldy.
Sot otyrystarynda oqiǵa bolǵan kezdiń, dálirek, Bishimbaev Saltanatty shashynan súirep, tepkilegen sumdyq kadrlar kórsetildi.
