Úńgirtas aýylynda Mádeniet úii ashyldy
Saltanatty sharaǵa Jambyl aýdanynyń ákimi Nurlan Ertas pen aýdan jurtshylyǵy qatysty.
Aýdan ákimi aýyldyq mádeniet úiiniń ashylýy óńirdiń mádeni ómiri úshin jaqsy jańalyq ekenin atap ótti:
– Qurmetti qaýym! Qazaqstan Respýblikasynyń Tuńǵysh Prezidenti kúnimen jáne el táýelsizdiginiń 30 jyldyǵymen shyn júrekten quttyqtaimyn. Búgin, mine, Úńirtas aýylynda jańa mádeniet úiin ashyp otyrmyz. Endi munda merekelerge, jaqsy jańalyqtarǵa orai, jastardy tárbieleý baǵytynda igi sharalar turaqty ótkiziletin bolady. Osy qurylysty júrgizgen qurylysshylarǵa alǵys bildiremin, – dedi ol.
Aýyl turǵyndaryn merekemen Jambyl aýdanynyń Qurmetti azamaty Áskerbek Abaev pen «Ardagerler» uiymynyń tóraǵasy Batyrhan Meńdibaev da quttyqtady. ýyl turǵyndary atynan Úńirtas aýyldyq aqsaqaldar keńesiniń ókili Asanqul Toloqulov rizashylyǵyn jetkizdi.
Ashylý saltanatynan soń jinalǵan kópshilik mádeniet úiin aralap kórdi. Mádeniet úiinde ornalasqan kitaphanaǵa syi retinde Jambyl Jabaevtyń ómiri men shyǵarmashylyǵy týraly kitap syiǵa tartyldy.
Aýyl turǵyndaryna «Súiinbai sazy» folklorlyq-etnografiialyq halyqtyq ansambl, aýdandyq mádeniet úiiniń shyǵarmashylyq ujymy daiyndaǵan kontserttik baǵdarlama usynyldy.
Atap ótsek, Jambyl aýdany ákimdiginiń málimetinshe, mádeniet úiiniń ǵimaraty 1957 jyly salynǵan, 2019 jyly qaita jańǵyrtý jumystary bastaldy. Qurylysty «Ómirzaq» JShS atqardy. Ǵimarattyń jalpy alańy 698,5 sharshy metr, 200 orynǵa arnalǵan kórermen zaly. Atqarylǵan jumystardyń quny - 251 574 000 teńge, jańarǵan mádeniet úiine barlyq qajetti qural-jabdyqtar alynyp, qyzmetin laiyqty atqarýǵa barlyq jaǵdai jasalǵan.
