Resmi Deli Ýkrainaǵa soǵys ashqan Kreml aldaǵy ýaqytta Úndistannyń qorǵanys salasyna qatysty tapsyrysyn oryndai almai qalýy múmkin ekenin eskerip, kelissózderdi toqtatqandaryn habarlaǵan. Kelissózder sátti ótip, kelsimshartqa qol qoiǵannyń ózinde sanktsiiaǵa bailanysty tólem jasaýda túiitkildi máseleler týyndaýy múmkin. Sondyqtan Úndistan kelissózderdi toqtatqandy jón dep sanaǵan.
Keibir derek kózderi Reseidiń Ortalyq banki rýbl men rýpii boiynsha tólem júrgizýge talpynyp kórgen. Biraq olardyń bul áreketinen túk shyqpaǵany anyq.
Al DefenseNews basylymy Úndistannyń kelissózdi toqtatýyna halyqaralyq qysymdar áser etkenin aitýda. Búginde Úndistan Reseidiń Ýkraina jerine basyp kirýine qatysty beitarap pozitsiia ustanyp otyrǵany belgili.
Osyǵan deiin AQSh Úndistanǵa Reseimen aradaǵy bailanystardyń bárin úzip, Qurama Shatattarmen strategiialyq áriptestik ornatýǵa shaqyrǵan bolatyn. Endigi jerde Úndistan AQSh-tyń usynysyn basshylyqqa alyp, Reseimen birtindep, bailanysyn úzýi bek múmkin.
Taǵy oyqyńyz:
https://dalanews.kz/del-qazir/76916-nygmatulinning-uly-qyzmetinen-ketti
https://dalanews.kz/news/76730-koshede-kokpar-tartqandar-10-kunge-qamal
