Kúni keshe ǵana Májilis depýtaty Samat Nurtaza óziniń Feisbýk paraqshasynda «Bes kún meiram óte shyqty. Erteń jumys aptasy bastalmaq. Álbette, el úshin, jer úshin jumys isteimiz. Qaitadan jumys rejimyna oralamyz. Kostiým, galstýk, aq kóilek pen shótkilengen týfli, salmaqty sóz, oily kóz… 690 teńge turatyn limonadty urttap, Astananyń kóktemine tamsanyp otyrmyn. El tynysh bolsyn, jurt aman bolsyn!» dep jazba qaldyrypty.
Osydan keiin jeli qoldanýshysy Erbol Moldabek esimdi jeli qoldanýshysy Májilis depýtat Samat Nurtazaǵa bylaisha suraq qoiypty:
– Depýtat bolǵanyńyzǵa biraz boldy. Osy ýaqytta qansha depýtattyq saýal joldadyńyz? Qandai mańyzdy máselelerdiń sheshilýine yqpal ettińiz? Jalpy, jyl boiyna jasaǵan jumysyńyz jaily osy Feisbýk arqyly sailaýshylaryńyzǵa, Feisbýk dostaryńyzǵa esep berý josparyńyzda joq pa? – degen ǵoi. Óz kezeginde depýtat Samat Murtaza bylaisha jaýap qatypty.
– Erbol Moldabek, depýtattyq saýaldyń eki túri bolady. Ár sársenbide sóileitin saýal jáne ministr men ákimge jazbasha jiberetin saýal. Saýaldardyń sany kóp bolǵan soń, bárin aýyzben aitý múmkin emes. Sondyqtan kópshiligi jazbasha jiberedi, – degen depýtat jalpylama jaýappen qutylyp ketýdi jón sanasa kerek. Al jeli qoldanýshysy bul jaýapqa qanaǵattanbai halyq qalaýlysyna taǵy da suraq qoiypty:
– Májilistiń resmi saityndaǵy depýtattyq saýaldardy qarap otyramyn, onda barlyǵy túgel jariialanady. Sizdiń bastamashy retinde joldaǵan saýaldaryńyz neken-saiaq-aý, tipti esimde de joq, – depti.
Óz kezeginde depýtat Samat Nurtaza bylai dep jaýap qatypty.
– Erbol Moldabek «Amanat partiiasynyń barlyq depýtattary partiia saiasatyn qoldaidy jáne partiialyq solidarnost (qazaqsha aýdara almadym) tanytady.
Sondyqtan bireý aitty, bireý aitpady degen mańyzdy emes. Bir depýtat oqidy, qalǵan «amanattyqtar» bir-birin qoldaidy. «Oqyǵan adam jumys jasaidy – úndemegen depýtat jumys jasamaidy» degen túsinik te qate. Ókinishke orai qoǵam solai oilaidy, – dep depýtat «Amanat» partiiasynyń depýtattary birin-biri qatty qoldaiynyn ashyp aitypty.
