Baǵdarlama bıznestegi kóshbasshy áıelderdi damytýǵa, qazaqstandyq áıel kásipkerlerdiń áleýetin ashýǵa jáne olardyń bıznes strategıalaryn keńeıtýge baǵyttalǵan.
Umay Boost - bul tolyqtaı óndiristen tys ótkiziletin 4-kúndik modýlden turatyn úsh aılyq bilim alý sapary (kóshbasshylyq, bıznes oılaýdy keńeıtý, energıany basqarý taqyrybyndaǵy 3 transformasıalyq modýl).
Joba óziniń erekshe kóshbasshylyq jolyn damytqysy keletin, óziniń daǵdylaryn, talanttaryn, múddelerin jınaqtap, iskerlik álemde ózin-ózi taný úshin ádisnamalyq jáne júıelik bilim alǵysy keletin, sondaı-aq qalyptasqan operasıalyq tártipke shet kózben qarap kelesi 3 jylǵa bıznesti damytýdy josparlaǵysy keletin áıelderge arnalǵan.
Umay Boost Qazaqstanda «Shevron» kompanıasynyń qoldaýymen áleýmettik sıpatta júrgiziledi: áıelder konkýrstyq irikteýden ótkennen keıin tegin qatysady.
Oqý baǵdarlamasynyń alǵashqy aǵymy 2019 jyldyń sáýir-mamyr aılarynda ótti. Jobaǵa ártúrli kásipkerlik saladan barlyǵy 16 kásipker áıel qatysty. Oqý barysynda olar ózderiniń jeke bıznes strategıalaryn daıyndady jáne ıgergen ádister men quraldaryn óz kásiporyndarynda qoldana bastady.
«Baǵdarlama kásipkerlerge jańa deńgeıge ótip, kompanıanyń maqsattaryn anyqtaýǵa, bıznes-model qurýǵa kómektesedi. Shákirtter - menejerler men bıznes ıeleri - dál osy maqsatta osy jerge jeke jáne kásibı turǵydan ósý úshin keldi. Baǵdarlamaǵa qatysa otyryp, biz bilim aldyq jáne alǵan bilimimizdiń nátıjesi óz qolymyzda dep oılaımyn», - deıdi Maıra Karybaeva, birinshi aǵynnyń shákirti, «12 mesásev» dúkeniniń dırektory.
Jobaǵa Qazaqstannyń túkpir-túkpirinen jeke menshik kásiporyndardyń ıeleri men basshylary qatysa alady.
P.S. Qatysý jáne irikteý sharttary jáne baǵdarlamanyń birinshi aǵym nátıjeleri týraly jobanyń resmı saıtynan - boost.umay.be tolyǵyraq oqyńyz.
