Ulytaý oblysynda internet arqyly júrgizýshi kýáligin rásimdeýge kómektesemin dep aqsha alǵan kúdiktiniń áreketinen 20-ǵa jýyq adam zardap shekken, dep habarlaidy dalanews.kz.
IIM málimetinshe, Sátbaev qalasynyń turǵyny áleýmettik jeliler men internet arqyly azamattarǵa júrgizýshi kýáligin alýǵa kómektesetinin aityp, qyzmetin usynǵan.
Tergeý nusqasyna sáikes, ol jábirlenýshilerden aqsha alyp, keiin bailanysqa shyqpai qoiǵan. Qazirgi ýaqytta onyń áreketinen zardap shekken shamamen 20 adamnyń bar ekeni anyqtaldy.
Kúdiktini Ulytaý oblysy politsiia departamentiniń kiberqylmysqa qarsy is-qimyl bólimshesiniń qyzmetkerleri prokýratýranyń úilestirýimen ustaǵan.
Atalǵan fakti boiynsha sotqa deiingi tergep-tekserý júrgizilip jatyr.
Politsiia júrgizýshi kýáligin Qazaqstanda tek zańda belgilengen tártippen – arnaiy oqýdan ótip, emtihandardy sátti tapsyrǵannan keiin jáne qujattardy HQKO arqyly rásimdeý jolymen ǵana alýǵa bolatynyn eske saldy.
Quqyq qorǵaý organdary júrgizýshi kýáligin emtihansyz nemese oqýsyz rásimdep beremin degen usynystardyń zańsyz ekenin jáne mundai áreketterdiń alaiaqtyq belgilerine ie bolýy múmkin ekenin eskertti.
