Elimizde arhiv isiniń damýyna airyqsha kóńil bólinip keledi. Tarihi qujattardy saqtaý, qalpyna keltirý jáne tsifrlyq formatqa kóshirý jumystary da qarqyn aldy. Al biyl Qazaqstan Respýblikasynyń Ulttyq arhiviniń ashylǵanyna 20 jyl tolyp otyr. Osy ýaqyt ishinde arhiv Táýelsiz Qazaqstannyń qalyptasý kezeńine qatysty qundy qujattardy jinaqtaityn, saqtaityn jáne ǵylymi ainalymǵa engizetin elimizdegi irgeli mekemege ainaldy, dep habarlaidy dalanews.kz.
Búginde Ulttyq arhiv qorynda 404 950 saqtaý birligi jinaqtalǵan. Sondai-aq 16 million kadrdan turatyn saqtandyrý qory jasaqtalǵan. Arhiv 278 uiymmen turaqty bailanys ornatqan.
Qordy tolyqtyrýmen qatar, arhivtiń tsifrlyq áleýeti de artyp keledi. Tsifrlanǵan qujattardyń úlesi 3 paiyzdan 26 paiyzǵa deiin kóbeiip, elektrondyq formatqa 110 millionnan astam bet kóshirildi. Arhivte iri formattaǵy qujattardy tsifrlaýǵa arnalǵan zerthana jumys isteidi. Sonymen birge milliondaǵan materialdyń arasynan qajetti málimetti sanaýly sekýnd ishinde tabýǵa múmkindik beretin intellektýaldy izdeý júiesi engizilgen.
Mekemede Qazaqstandaǵy alǵashqy avtonomdy jáne internet jelisine qosylmaǵan elektrondyq oqý zaly da ashylǵan. Bul zertteýshilerdiń tsifrlyq qujattarmen qaýipsiz jumys isteýine múmkindik berip, arhiv qoryndaǵy derekterdiń saqtalýyn qamtamasyz etedi.
Tarihi murany saqtaýǵa da airyqsha kóńil bólinedi. Arhiv ǵimaratynda 19 arnaiy arhiv qoimasy, klimattyq baqylaý jáne gazben órt sóndirý júieleri, tsifrlandyrý men restavratsiia zerthanalary jumys isteidi. Keiingi úsh jyldyń ózinde mamandar 1 447 tarihi qujatty qalpyna keltirdi.
Ulttyq arhiv ǵylymi-ádistemelik ortalyq qyzmetin de atqarady. Munda Memlekettik qor katalogy júrgizilip, arhiv isine qatysty normativtik qujattar ázirlenedi, ǵylymi keńester uiymdastyrylady. Memlekettik tarih institýtymen birlesip «Ǵylymi zerthana» jobasy júzege asyrylyp keledi. Keiingi úsh jylda respýblika kóleminde 20-ǵa jýyq ǵylymi-tájiribelik seminar ótken. Ulttyq arhiv janyndaǵy Biliktilikti arttyrý ortalyǵy myńnan astam mamanǵa sertifikat tabystady.
Jas urpaqtyń tarihqa qyzyǵýshylyǵyn arttyrý baǵyty da nazardan tys qalǵan emes. «Arhiv jáne bolashaq urpaq» jobasy aiasynda ashyq esik kúnderi turaqty ótkizilip keledi. Sonyń nátijesinde jobaǵa qatysatyn jastardyń sany 500-den 2 myń adamǵa deiin artty. Al L.N. Gýmilev atyndaǵy Eýraziia ulttyq ýniversitetimen birlesip «Qazaqstan tarihy» kabineti ashyldy.
Qoǵamdyq mańyzy bar tsifrlyq jobalar da kezeń-kezeńimen damyp keledi. Ótken jyldan beri Ulttyq arhiv «Máńgilik jadymyzda – Vechnaia pamiat» portalyn júrgizedi. Búginde onda 705 myńnan astam maidanger týraly málimet jinaqtalǵan.
Jyl saiyn arhiv 200-den astam mádeni-aǵartýshylyq is-shara uiymdastyryp, jinaqtar, fotoalbomdar men ádistemelik basylymdar shyǵarady. Sonymen qatar halyqaralyq bailanys ta nyǵaiyp keledi. Ulttyq arhiv ICA EURASICA halyqaralyq uiymynyń múshesi retinde Resei, Ózbekstan, Túrkiia, Estoniia, Frantsiia, Saýd Arabiiasy jáne ózge de elderdiń arhiv mekemelerimen áriptestik bailanys ornatqan.
