ەلٸمٸزدە ارحيۆ ٸسٸنٸڭ دامۋىنا ايرىقشا كٶڭٸل بٶلٸنٸپ كەلەدٸ. تاريحي قۇجاتتاردى ساقتاۋ, قالپىنا كەلتٸرۋ جەنە تسيفرلىق فورماتقا كٶشٸرۋ جۇمىستارى دا قارقىن الدى. ال بيىل قازاقستان رەسپۋبليكاسىنىڭ ۇلتتىق ارحيۆٸنٸڭ اشىلعانىنا 20 جىل تولىپ وتىر. وسى ۋاقىت ٸشٸندە ارحيۆ تەۋەلسٸز قازاقستاننىڭ قالىپتاسۋ كەزەڭٸنە قاتىستى قۇندى قۇجاتتاردى جيناقتايتىن, ساقتايتىن جەنە عىلىمي اينالىمعا ەنگٸزەتٸن ەلٸمٸزدەگٸ ٸرگەلٸ مەكەمەگە اينالدى, دەپ حابارلايدى dalanews.kz.
بٷگٸندە ۇلتتىق ارحيۆ قورىندا 404 950 ساقتاۋ بٸرلٸگٸ جيناقتالعان. سونداي-اق 16 ميلليون كادردان تۇراتىن ساقتاندىرۋ قورى جاساقتالعان. ارحيۆ 278 ۇيىممەن تۇراقتى بايلانىس ورناتقان.
قوردى تولىقتىرۋمەن قاتار, ارحيۆتٸڭ تسيفرلىق ەلەۋەتٸ دە ارتىپ كەلەدٸ. تسيفرلانعان قۇجاتتاردىڭ ٷلەسٸ 3 پايىزدان 26 پايىزعا دەيٸن كٶبەيٸپ, ەلەكتروندىق فورماتقا 110 ميلليوننان استام بەت كٶشٸرٸلدٸ. ارحيۆتە ٸرٸ فورماتتاعى قۇجاتتاردى تسيفرلاۋعا ارنالعان زەرتحانا جۇمىس ٸستەيدٸ. سونىمەن بٸرگە ميلليونداعان ماتەريالدىڭ اراسىنان قاجەتتٸ مەلٸمەتتٸ ساناۋلى سەكۋند ٸشٸندە تابۋعا مٷمكٸندٸك بەرەتٸن ينتەللەكتۋالدى ٸزدەۋ جٷيەسٸ ەنگٸزٸلگەن.
مەكەمەدە قازاقستانداعى العاشقى اۆتونومدى جەنە ينتەرنەت جەلٸسٸنە قوسىلماعان ەلەكتروندىق وقۋ زالى دا اشىلعان. بۇل زەرتتەۋشٸلەردٸڭ تسيفرلىق قۇجاتتارمەن قاۋٸپسٸز جۇمىس ٸستەۋٸنە مٷمكٸندٸك بەرٸپ, ارحيۆ قورىنداعى دەرەكتەردٸڭ ساقتالۋىن قامتاماسىز ەتەدٸ.
تاريحي مۇرانى ساقتاۋعا دا ايرىقشا كٶڭٸل بٶلٸنەدٸ. ارحيۆ عيماراتىندا 19 ارنايى ارحيۆ قويماسى, كليماتتىق باقىلاۋ جەنە گازبەن ٶرت سٶندٸرۋ جٷيەلەرٸ, تسيفرلاندىرۋ مەن رەستاۆراتسييا زەرتحانالارى جۇمىس ٸستەيدٸ. كەيٸنگٸ ٷش جىلدىڭ ٶزٸندە ماماندار 1 447 تاريحي قۇجاتتى قالپىنا كەلتٸردٸ.
ۇلتتىق ارحيۆ عىلىمي-ەدٸستەمەلٸك ورتالىق قىزمەتٸن دە اتقارادى. مۇندا مەملەكەتتٸك قور كاتالوگى جٷرگٸزٸلٸپ, ارحيۆ ٸسٸنە قاتىستى نورماتيۆتٸك قۇجاتتار ەزٸرلەنەدٸ, عىلىمي كەڭەستەر ۇيىمداستىرىلادى. مەملەكەتتٸك تاريح ينستيتۋتىمەن بٸرلەسٸپ «عىلىمي زەرتحانا» جوباسى جٷزەگە اسىرىلىپ كەلەدٸ. كەيٸنگٸ ٷش جىلدا رەسپۋبليكا كٶلەمٸندە 20-عا جۋىق عىلىمي-تەجٸريبەلٸك سەمينار ٶتكەن. ۇلتتىق ارحيۆ جانىنداعى بٸلٸكتٸلٸكتٸ ارتتىرۋ ورتالىعى مىڭنان استام مامانعا سەرتيفيكات تابىستادى.
جاس ۇرپاقتىڭ تاريحقا قىزىعۋشىلىعىن ارتتىرۋ باعىتى دا نازاردان تىس قالعان ەمەس. «ارحيۆ جەنە بولاشاق ۇرپاق» جوباسى اياسىندا اشىق ەسٸك كٷندەرٸ تۇراقتى ٶتكٸزٸلٸپ كەلەدٸ. سونىڭ نەتيجەسٸندە جوباعا قاتىساتىن جاستاردىڭ سانى 500-دەن 2 مىڭ ادامعا دەيٸن ارتتى. ال ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸمەن بٸرلەسٸپ «قازاقستان تاريحى» كابينەتٸ اشىلدى.
قوعامدىق ماڭىزى بار تسيفرلىق جوبالار دا كەزەڭ-كەزەڭٸمەن دامىپ كەلەدٸ. ٶتكەن جىلدان بەرٸ ۇلتتىق ارحيۆ «مەڭگٸلٸك جادىمىزدا – ۆەچنايا پاميات» پورتالىن جٷرگٸزەدٸ. بٷگٸندە وندا 705 مىڭنان استام مايدانگەر تۋرالى مەلٸمەت جيناقتالعان.
جىل سايىن ارحيۆ 200-دەن استام مەدەني-اعارتۋشىلىق ٸس-شارا ۇيىمداستىرىپ, جيناقتار, فوتوالبومدار مەن ەدٸستەمەلٸك باسىلىمدار شىعارادى. سونىمەن قاتار حالىقارالىق بايلانىس تا نىعايىپ كەلەدٸ. ۇلتتىق ارحيۆ ICA EURASICA حالىقارالىق ۇيىمىنىڭ مٷشەسٸ رەتٸندە رەسەي, ٶزبەكستان, تٷركييا, ەستونييا, فرانتسييا, ساۋد ارابيياسى جەنە ٶزگە دە ەلدەردٸڭ ارحيۆ مەكەمەلەرٸمەن ەرٸپتەستٸك بايلانىس ورناتقان.
