Ulttyq teńge kúni Túrkistannyń kóne teńgeleri jurtshylyq nazaryna usynyldy
Kórmeniń saltanatty ashylýynda Qazaqstan Respýblikasy Prezidentiniń muraǵatynyń direktory Abdýkadyrova Jamila Iýsýpjanovna, Almaty qalasy Mádeniet jáne arhivter basqarmasynyń Mádeni mura bóliminiń meńgerýshisi Kákijanova Nazerke Amanbaiqyzy, Otyrar memlekettik arheologiialyq qoryq-mýzeiiniń direktory Jandosov Aibek Kystaýbaevich, Qazaqstan teńgesiniń avtory sýretshi, arhitektor Ǵabjalilov Hairýlla Maǵaýiiauly, QR Ulttyq bankiniń arhitektor, dizaineri Basenov Almat Galievich jáne QR qarjy salasy ardageri Jangeldin Erlen Toqtaǵaliuly arnaiy quttyqtaý sóz alyp, Tól teńgemizdiń 25 jyldyǵymen quttyqtady.
Otyrar men «Áziret Sultan» mýzeileri qorlaryndaǵy kórmege usynylǵan jádigerlerdiń qurylymy 3bólimnen turady. Alǵashqy bólimin mýzei qoryndaǵy nýmizmatikalyq materialdardyń eń kóne úlgileri - bizdiń dáýirdiń III ǵ.-nan bastaý alyp, VII-VIII ǵǵ. ólkeniń túrki taipalarynyń yqpalyna ótken kezeńderindegi nýmizmatikasyna qatysty jádigerler men derektik materialdardan quralǵan. II-shi bólimde arab halifaty biliginiń qarsańyndaǵy nýmizmatika jáne arab nýmizmatikasynyń yqpalyna ótken kezeńderdegi, Saman, Qarahan áýleti bileýshileri tusynda soǵylǵan tiyndar men olarǵa qatysty ǵylymi eńbekter qorytyndylary men sol kezeńderden jetken jazba eskertkishterden alynǵan materialdar qamtylsa, al III-shi bólimde ólkede biligi ústemdik etken Horezmshah Muhammed bin Tekesh atynan soǵylǵan tiyndar, HIII-shi ǵasyrda ólkedegi bilikti qolǵa alǵan mońǵol bileýshileriniń aqsha túrleri men mýzeiler qorlarynda kezdespeitin kei tiyndardyń sýretteri men sol kezeń nýmizmatikasyna qatysty materialdar qoiyldy. Sondai-aq, Qazaqstan Respýblikasy Prezidentiniń muraǵatynan tól valiýtamyzǵa bailanysty qujattama materialdar, fotosýretter, Almaty mýzeiiniń qorynan Qazaqstannyń ataýly merekelik datalarǵa, qyzyl kitapqa engen ań-qustar men ósimdikterdiń, sporttyq sharalar t.b. shyǵarylǵan aqsha túrleri qoiyldy.
Erte kezeńderdegi teńgeler men táýelsiz Qazaqstannyń tól valiýtasy teńge tarihynan málimet beretin kórme Almaty qalasynyń turǵyndary men qonaqtaryna 08.11-08.12.2018 j. aralyǵynda qyzmet kórsetedi.
