Ulttyq sport qaýymdastyǵynyń prezidenti retinde, 2022 jyldyń qyrkúieginen bastap belgili kásipker, metsenat Islambek Saljanov sailandy. Bul qyzmetke kirisken soń Islambek Tóleýbaiuly qaýymdastyq quramyndaǵy federatsiialarǵa ózi jaqsy tanityn, elge jany ashityn kásipker azamattar men qoǵam qairatkerlerin ulttyq sportty birlese damytýǵa shaqyrdy.
Ózderińizge málim, sońǵy jyldary Memleket basshysy Qasym-Jomart Kemeluly Toqaevtyń tikelei qoldaýymen elimizde ulttyq sport túrleri qarqyndy damyp keledi. Jyl basynda Prezident ulttyq sport túrleriniń damý kontseptsiiasyn ázirleýdi tapsyrǵan edi. Qazir bul baǵyt boiynsha qyzý jumystar júrip jatyr.
Byltyr Ulttyq sport qaýymdastyǵyna 6 federatsiia ǵana kirgen, bir jyl ishinde federatsiialar sany 10-ǵa deiin artty.
Buryn qaýymdastyq jumysy bir ortalyq júiesi arqyly basqarylatyn. Al qazir, kerisinshe federatsiialarǵa avtonomiia berý strategiiasy qoldanysqa enip otyr. Sonyń nátijesinde, biyl ulttyq sport salasyn birqatar oń ózgeristerge qol jetkizdi.
Osy bir jyldyń ishinde sportshylarymyz kóptegen halyqaralyq jarystarǵa qatysyp, 96 medal jeńip aldy. Onyń 35-i altyn. Respýblikalyq jarystar da joǵary deńgeide ótti.
Kásibi, bilikti mamandardy daiyndaý maqsatynda ulttyq sport túrleri boiynsha mamandardy daiyndaý baǵdarlamalary ázirlendi. Búginde eki birdei joǵarǵy oqý ornynda eki mamandyq túri boiynsha oqý baǵdarlamasy engizildi. Sondai-aq ulttyq sporttyń joǵary mektebin ashý jumysy qolǵa alyndy.
Ulttyq sport qaýymdastyǵynyń taǵy da bir mańyzdy baǵyty – Qostanai jylqysynyń sanyn saqtap qalý jáne onyń ári qarai damýy. Barshańyz bilesizder, Qostanai jylqysy – elimizdegi jalǵyz asyl tuqymdy qazaq jylqysy.
Osy maqsatta biz, Ulttyq sport qaýymdastyǵy, Parlament depýttarymen birigip Qostanai jylqylaryn kóbeitý maqsatynda zań jobasyn ázirlep, qazir Májiliste qaralyp jatyr.
Ulttyq sportty keńinen nasihattap jańa beleske kóterý – bizdiń basty mindetterimizdiń biri. Osy maqsatta biyl aqparat ókilderi arasynda ALAMAN – media baiqaýyn jariialadyq. Bul halyqaralyq baiqaý keler jyldyń naýryz aiyna deiin jalǵasady.
Sondai-aq osy jyly Ulttyq sport qaýymdastyǵynyń iýtýb kanaly ashyldy. Bul – biz úshin qýanyshty habar. Kanaldyń maqsaty – ulttyq sport túrlerin keńinen nasihattaý jáne ulttyq sporttyń úzdikterin halyqqa tanytý.
Jýyrda 10-shy ALTYN TUǴYR nominatsiiasy ótip, eń myqty sportshylar men bapkerlerdi marapattadyq. Bul – el ishinde jáne halyqaralyq jarystarda jetistikke jetken sportshylarǵa qurmet kórsetý, ári ulttyq qundylyǵymyzdy dáripteý maqsatynda uiymdastyrylatyn joba.
Eń mańyzdysy – kelesi jyly elimizde ótetin V Dúniejúzilik kóshpendiler oiynyna qyzý daiyndyq jumystaryn júrgizip jatyrmyz. Baiqasańyzdar, bul oiyndar ulttyq sporttyń Olimpiadasyna ainalyp keledi. Qazir Dúniejúzilik Kóshpendiler oiyndarynyń baǵdarlamasyna sporttyń 20 túri kiredi.
V Dúniejúzilik kóshpendiler oiynyna 100 memleketten 3 myńnan astam sportshy, 15 myńnan asa sheteldik týrist keledi dep josparlanǵan. Biz osy arqyly tek ulttyq sportymyzdy ǵana emes, álemdik mádeni keńistiktegi Qazaqstannyń jańashyl kelbetin tanytýǵa tamasha múmkindikke qol jetkizemiz.
