Búgin Ulttyq quryltai Atyraýda ótti. Eldiń qalaýy, oiy, pikiri, narazylǵy dál osy alańda aitylady. Osyǵan deiin Ulttyq quryltaida kóterilgen biraz máseleler óziniń oń sheshimin tapqany belgili.
Ulttyq quryltai músheleriniń usynystary negizinde nashaqorlyqqa jáne esirtki biznesine qarsy kúrestiń jospary bekitildi, elektrondy temekini/veipti tutynýǵa, satýǵa tyiym salyndy, balalardyń qumar oiyndarǵa jáne kompiýterlik oiyndarǵa (lýdomaniia) táýeldiliginiń aldyn alý boiynsha jol kartasy qabyldandy.
Quryltai músheleri otbasylyq-turmystyq zorlyq-zombylyq máseleleri boiynsha zań jobalaryn daiyndaýǵa qatysty.
Azamattardyń usynys-pikirlerin jinaý úshin anaiy sait ázirlendi, #Egov bazasynda Quryltai qosymshasy iske qosyldy. Bul atqarylǵan jumystyń az ǵana bóligin tizip otyrmyn.
Ótken jyly Qazaqstan aýmaǵynda Ulttyq quryltaidyń jumysyn halyqtyń qabyldaýyna arnalǵan jappai saýalnama júrgizildi.
Ótkizilgen jappai saýalnama halyqtyń Ulttyq quryltai men onyń jumysy týraly habardar ekenin kórsetip otyr, 18-28 jas aralyǵyndaǵy 32%, 41-60 jas aralyǵyndaǵy 47,4%–ǵa deiin mundai organnyń bar ekenin biletini anyqtaldy.
Jalpy, Ulttyq quryltaidyń otyrystary Ulytaý, Túrkistan, Atyraý siiaqty tarihi oryndarda ótýiniń ózi simvoldyq mánge ie. Bul ulttyq qundylyqtardy ilgeriletýge jáne halqymyzdyń birliginiń nyǵaiýyna yqpal etetin alań. Halyq pen bilik arasyndaǵy dialogtyń sapasyn arttyratyn negizgi institýt retinde róli joǵary.
