Ulttyq qaýipsizdik komiteti jańa vedomstvoǵa qatysty málimdeme jasady,- dep habarlaidy Dalanews.kz
"30 maýsymda Memleket basshysynyń jarlyǵymen QR Sybailas jemqorlyqqa qarsy is-qimyl agenttigi Ulttyq qaýipsizdik komitetine qosylý arqyly qaita uiymdastyryldy. Jańa vedomstvo "UQK Sybailas jemqorlyqqa qarsy is-qimyl qyzmeti" quryldy. Osyǵan bailanysty komitetpen birqatar uiymdastyrýshylyq, basqarýshylyq jáne praktikalyq is-shara júzege asyrylyp jatyr. Quqyqtar men mindettemelerdiń quqyqtyq mirasqorlyǵy rásimderi aiaqtalǵanǵa deiin qaita uiymdastyrylǵan vedomstvo burynǵy rejimde jumys isteidi",- dep jazylǵan habarlamada.
Buǵan deiin Memleket basshysy Sybailas jemqorlyqqa qarsy is-qimyl agenttiginiń burynǵy tóraǵasy Ashat Jumaǵaliǵa belsendi ári nátijeli jumysy úshin rizashylyǵyn bildirdi. Bul týraly Prezidenttiń keńesshisi - baspasóz hatshysy Rýslan Jeldibai málimdedi.
Qazaqstanda Antikor men UQK biriktiriletini belgili boldy. Prezident "Memlekettik basqarý júiesin jetildirý jónindegi sharalar týraly" jarlyqqa qol qoidy:
- Ulttyq qaýipsizdik komitetine qosý arqyly Sybailas jemqorlyqqa qarsy is-qimyl agenttigi (Sybailas jemqorlyqqa qarsy qyzmet) qaita uiymdastyrylsyn.
- Ulttyq qaýipsizdik komitetiniń vedomstvosy – Ulttyq qaýipsizdik komitetiniń Sybailas jemqorlyqqa qarsy is-qimyl qyzmeti (budan ári – qyzmet) qurylsyn.
- Qaita uiymdastyrylǵan Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmettiń) fýnktsiialary men ókilettikteri Qazaqstan Respýblikasy Memlekettik qyzmet isteri agenttigine berilsin.
