Ulttyq kinony qoldaý memlekettik ortalyǵy otandyq rejisserlerdiń 87 kinojobasy 2024 jylǵy pitchingke ótkenin, 18-20 maýsym kúnderi ashyq qorǵaý ótetinin habarlaidy.
Endi úzdikter memlekettik qarjylandyrýǵa ie bolady jáne ulttyq film retinde tanylady. ⠀ Synnan súrinbei ótip, sheshýshi kezeńge joldama alǵan jeńimpazdar tizimi myna siltemede: https://kazakhcinema.kz/kz/konkurs_2024
Aita ketý kerek, konkýrsqa qatysýǵa ótinimder sáýir aiynda qabyldandy. Birinshi kezeń boiynsha elektrondy túrde tirkelgen stsenariiler men stsenarii josparlarynyń jalpy sany – 465.
Kinojobalardy irikteý konkýrsyna bailanysty konsýltatsiia jumystary 8 sáýirden bastap qolǵa alynyp, telefon qońyraýlary, offlain kezdesý jáne áleýmettik jelidegi keri bailanys arqyly júzege asty. Kinoortalyqtyń Almaty jáne Astana qalalaryndaǵy keńselerinde jeke konsýltatsiialar, telefon arqyly, áleýmettik jeli arqyly onlain qoiylǵan suraqtarǵa jaýaptar berildi.
«Aldaǵy pitchingte ádildik tuǵyrdan túspek emes. Barlyq protsess kinoortalyqtyń resmi YouTube-kanalynda onlain-rejimde kórsetiledi. Tiisinshe Saraptama keńesiniń músheleri de ulttyq kinoǵa súbeli úles qosatyn kinokartinalardy irikteýge bar kúsh-jigerin salmaq», – deidi Ulttyq kinony qoldaý ortalyǵynyń basqarma tóraǵasy Qurmanbek Jumaǵali.
