ۇلتتىق كينونى قولداۋ مەملەكەتتىك ورتالىعى وتاندىق رەجيسسەرلەردىڭ 87 كينوجوباسى 2024 جىلعى پيچينگكە وتكەنىن، 18-20 ماۋسىم كۇندەرى اشىق قورعاۋ وتەتىنىن حابارلايدى.
ەندى ۇزدىكتەر مەملەكەتتىك قارجىلاندىرۋعا يە بولادى جانە ۇلتتىق فيلم رەتىندە تانىلادى. ⠀ سىننان سۇرىنبەي ءوتىپ، شەشۋشى كەزەڭگە جولداما العان جەڭىمپازدار ءتىزىمى مىنا سىلتەمەدە: https://kazakhcinema.kz/kz/konkurs_2024
ايتا كەتۋ كەرەك، كونكۋرسقا قاتىسۋعا وتىنىمدەر ءساۋىر ايىندا قابىلداندى. ءبىرىنشى كەزەڭ بويىنشا ەلەكتروندى تۇردە تىركەلگەن سەنارييلەر مەن سەناريي جوسپارلارىنىڭ جالپى سانى – 465.
كينوجوبالاردى ىرىكتەۋ كونكۋرسىنا بايلانىستى كونسۋلتاسيا جۇمىستارى 8 ساۋىردەن باستاپ قولعا الىنىپ، تەلەفون قوڭىراۋلارى، وففلاين كەزدەسۋ جانە الەۋمەتتىك جەلىدەگى كەرى بايلانىس ارقىلى جۇزەگە استى. كينوورتالىقتىڭ الماتى جانە استانا قالالارىنداعى كەڭسەلەرىندە جەكە كونسۋلتاسيالار، تەلەفون ارقىلى، الەۋمەتتىك جەلى ارقىلى ونلاين قويىلعان سۇراقتارعا جاۋاپتار بەرىلدى.
«الداعى پيچينگتە ادىلدىك تۇعىردان تۇسپەك ەمەس. بارلىق پروسەسس كينوورتالىقتىڭ رەسمي YouTube-كانالىندا ونلاين-رەجيمدە كورسەتىلەدى. تيىسىنشە ساراپتاما كەڭەسىنىڭ مۇشەلەرى دە ۇلتتىق كينوعا سۇبەلى ۇلەس قوساتىن كينوكارتينالاردى ىرىكتەۋگە بار كۇش-جىگەرىن سالماق»، – دەيدى ۇلتتىق كينونى قولداۋ ورتالىعىنىڭ باسقارما ءتوراعاسى قۇرمانبەك جۇماعالي.
