Otyrysty ashqan QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń tóraǵasy Aida Balaeva Memleket basshysy qol qoiǵan Jarlyǵyna sáikes komissiia múshelerin rotatsiialaý júrgizilgenin atap ótti.
Aida Balaeva Ulttyq komissiianyń burynǵy múshelerine jemisti yntymaqtastyǵy úshin alǵysyn bildirip, qatysýshylarǵa jańa múshelerdi tanystyryp, olarǵa birqatar mindetter júktedi.
QR Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń quramyna Lázzat Qaltaeva, Tilektes Adambekov, Alfiia Adieva, Renat Zýlhairov, Sholpan Karinova, Elmira Karimova, Mýslim Hasenov endi.
– 2023 jyl komissiia qyzmetinde tabysty, nátijeli boldy. Memleket basshysy atap ótken basymdyqtarǵa sáikes ulttyq komissiianyń ótken jylǵy qyzmeti áielder men balalardyń quqyqtaryn qorǵaý salasyndaǵy ózekti máselelerdi zerdeleýge basa mán berip, bilik pen azamattyq qoǵam jáne halyqaralyq uiymdar arasyndaǵy suranysqa ie dialog alańyna ainaldy.
Ulttyq komissiia sarapshylarynyń qatysýymen Áleýmettik kodeks ázirlenip, "Ákimshilik quqyq buzýshylyq týraly" jáne Qazaqstan Respýblikasynyń Qylmystyq kodeksine ózgerister engizildi. "Qazaqstan Respýblikasynyń keibir zańnamalyq aktilerine áielderdiń quqyqtaryn qamtamasyz etý jáne balalardyń qaýipsizdigin qamtamasyz etý máseleleri boiynsha ózgerister men tolyqtyrýlar engizý týraly" zań jobasy ázirlendi, – dep atap ótti Aida Balaeva.
Onyń aitýynsha, 2023 jyly problemalardy jan-jaqty taldaý, óńirlik erekshelikterdi baǵalaý jáne ózekti máseleler boiynsha sheshimder ázirleý úshin Ulttyq komissiianyń saraptamalyq toptarynyń óńirlerge barý tájiribesi engizildi.
Monitoring jáne saraptamalyq taldaý qorytyndysy boiynsha jekemenshik mektepke deiingi mekemeler men jazǵy lagerlerde balalardyń qaýipsizdigin qamtamasyz etý, keleńsizdikterge tosqaýyl qoiý, sondai-aq balalar arasyndaǵy býlling pen sýitsidti aldyn alý boiynsha birqatar bastamalar ázirlendi.
Zorlyq-zombylyq qurbandaryna tegin quqyqtyq jáne psihologiialyq kómek kórsetý úshin "One Stop Service" jobasy iske qosyldy. Joba aiasynda áielder men balalarǵa qatysty 36 qylmystyq is boiynsha qoldaý kórsetildi. Rezonans týdyrǵan 11 is erekshe baqylaýǵa alyndy.
Áleýmettik mańyzy bar 7 joba, onyń ishinde "Samuryq-Qazyna"AQ-men birlesip 3 qaiyrymdylyq jobasy iske asyryldy.
Olardyń qatarynda Astana hab – pen birlesken It-Aiel baǵdarlamasy bar. Baǵdarlama 2 myń jumyssyz áielge tabys kózin arttyrýǵa jáne frilanserlik platformalarda aqsha tabýdy tabýdy úirený arqyly qarjylyq táýelsizdikke qol jetkizýge múmkindik berdi. «Tomiris» uzaq merzimdi bilim berý jobasy qalalar men aýyldyq jerlerdegi tabysqa jetken qyzdar men áielderdi qoldaýǵa baǵyttalǵan.
Taǵy bir sátti joba – shalǵai aýdandar men aýyldarda turatyn azamattarǵa meditsinalyq, psihologiialyq, quqyqtyq jáne mediativtik kómek kórsetý jáne tekserý úshin iske qosylǵan «Salamatty Qazaqstan» poiyzy.
Otbasy, genderlik saiasat jáne demografiia máseleleri boiynsha 12 zertteý uiymyn biriktiretin ulttyq konsortsiým quryldy.
Óńirlerde áielder kásipkerligin damytý ortalyqtary, otbasyn qoldaý ortalyqtary jáne zorlyq-zombylyq qurbandaryna arnalǵan daǵdarys ortalyqtary ashyldy. Anyqtama úshin "senim telefony" jumys isteidi.
Otbasy jáne genderlik saiasat salasyndaǵy halyqaralyq mindettemelerdi oryndaý jáne halyqaralyq yntymaqtastyqty damytý jónindegi mindetterge erekshe nazar aýdarylady.
Komissiia Qazaqstandy halyqaralyq qoǵamdastyqtyń jaýapty múshesi retinde odan ári ilgeriletý jónindegi mindetterdi oryndady.
Ulttyq komissiia bazasynda shoǵyrlandyrylǵan memlekettik organdar men ÚEU-nyń jalpy qorytyndylary bedeldi halyqaralyq alańdarda talqylaýǵa usynyldy.
Jalpy, Memleket basshysy atap ótken basymdyqtardy eskere otyryp, ulttyq komissiia otbasylyq-demografiialyq jáne genderlik saiasat, áielder men balalardyń quqyqtaryn qorǵaý salasyndaǵy mindetterdi júieli túrde júzege asyrýda.
Sóz sońynda Aida Balaeva Ulttyq komissiia jumysynyń aldaǵy kún tártibin belgiledi.
Ministr biylǵa arnalǵan birqatar negizgi basymdyqtar quqyqtyq mádenietti jáne zań buzýshylarǵa qarsy kózqarasty qalyptastyrý, túrli maqsatty toptarmen qoǵamdyq talqylaýdy damytý, adamgershilik jáne otbasylyq qundylyqtardy nyǵaitý, áielderdiń quqyqtary men múmkindikterin keńeitý jónindegi mindetterdi atady.
