Ulttyq ekonomika ministri Nurlan Baibazarov Ulybriiataniianyń sanktsiiasyna ushyraǵan qazaqstandyq alty kompaniiaǵa qatysty pikir bildirdi, dep habarlaidy Dalanews.kz Zakon.kz saityna silteme jasap.
Ministr sanktsiiaǵa ushyraǵan komaniialardy "bir kúndik" dep atady.
"Biz tekserýge kirisken kezde olardyń tolyqqandy ekonomikalyq sýbekt emes ekenine kózimiz jetti. Iaǵni, ony ashady, kelisimshart jasaidy, sodan soń joq bolyp ketedi. Mámileniń qalai jasalatyny túsinikti, batystaǵy sanktsiialarǵa jaýapty qarjylyq qyzmetter sony tirkeidi de, bul kompaniialardy tizimge qosady. Meniń oiymsha, bul qazaqstandyq kompaniialar sanktsiialardy ainalyp ótýge tyrysty deitindei júieli másele emes. Bul - paida tabýǵa umtylǵan ártúrli kompaniialar. Olarmen kúresý qiyn, biraq tutastai alǵanda, biz tiisti baqylaý qyzmetterimen kelisken amerikalyq jáne eýropalyq sanktsiialar boiynsha shekteýlerdi saqtaimyz", — dedi ol.
Aita ketsek, 7 qarashada Qazaqstannyń jeti kompaniiasy batystyń sanktsiiasyna ushyraǵany habarlanǵan bolatyn. "Ulybritaniia jariialaǵan sanktsiia tizimindegi Qytai, Túrkiia jáne Ortalyq Aziiada ornalasqan kásiporyndar Ýkrainaǵa basqynshylyq jasaǵan Reseidiń áskeri ónerkásibine qajet taýarlar (stanok, mikroelektronika jáne dron komponentteri) jetkizýmen jáne shyǵarýmen ainalysady" delinedi Ulybritaniia SIM málimdemesinde.
