Shildeniń birinshi jeksenbisi – Ulttyq dombyra kúni. Bul kún – tek bir aspapty dáripteý ǵana emes, ulttyń rýhani jadyn, tarihi tamyryn, kórkemdik tanymyn jańǵyrtatyn mańyzdy data.
Dombyra – jai aspap emes, ulttyń úni. Ol – Dala filosofiiasy, jyraýlardyń jadyndaǵy shejire, kókirekpen jazylǵan kúi, tektiliktiń temirqazyǵy. Ǵasyrlar boiy dombyra qazaqpen birge jasap, elmen birge eńselenip keledi. Onyń kúmbiri – babalardyń amanaty.Qazaq balasy dombyranyń únimen boi túzep, kúi tyńdap oi túzedi. Ol – saz arqyly minezdi tárbieleýdiń, sulýlyqty sińirýdiń quraly. Ár úide dombyranyń ilýli turýy – bul dástúr men dildiń jalǵasýy.
Ulttyq brendke ainalǵan dombyra – halyqaralyq deńgeide tanylyp keledi.
UNESCO tizimine engizilgen kúilerimiz, shetel sahnalarynda oinalyp jatqan týyndylar – qazaq rýhaniiatynyń jahandyq aýqymda moiyndalýynyń nyshany. Ulttyq dombyra kúni – ult bolmysyn seziný, tamyryn taný, júrekpen estý kúni. Osy merekede ár qazaq kem degende bir kúi tyńdap, dombyra únine qulaq túrse – tarihpen tildeskeni. Dombyra – bizdiń únsiz sóileitin tilimiz, óshpes rýhymyz, babadan qalǵan amanat.
Aidar Seidazym
