شٸلدەنٸڭ بٸرٸنشٸ جەكسەنبٸسٸ – ۇلتتىق دومبىرا كٷنٸ. بۇل كٷن – تەك بٸر اسپاپتى دەرٸپتەۋ عانا ەمەس, ۇلتتىڭ رۋحاني جادىن, تاريحي تامىرىن, كٶركەمدٸك تانىمىن جاڭعىرتاتىن ماڭىزدى داتا.
دومبىرا – جاي اسپاپ ەمەس, ۇلتتىڭ ٷنٸ. ول – دالا فيلوسوفيياسى, جىراۋلاردىڭ جادىنداعى شەجٸرە, كٶكٸرەكپەن جازىلعان كٷي, تەكتٸلٸكتٸڭ تەمٸرقازىعى. عاسىرلار بويى دومبىرا قازاقپەن بٸرگە جاساپ, ەلمەن بٸرگە ەڭسەلەنٸپ كەلەدٸ. ونىڭ كٷمبٸرٸ – بابالاردىڭ اماناتى.قازاق بالاسى دومبىرانىڭ ٷنٸمەن بوي تٷزەپ, كٷي تىڭداپ وي تٷزەدٸ. ول – ساز ارقىلى مٸنەزدٸ تەربيەلەۋدٸڭ, سۇلۋلىقتى سٸڭٸرۋدٸڭ قۇرالى. ەر ٷيدە دومبىرانىڭ ٸلۋلٸ تۇرۋى – بۇل دەستٷر مەن دٸلدٸڭ جالعاسۋى.
ۇلتتىق برەندكە اينالعان دومبىرا – حالىقارالىق دەڭگەيدە تانىلىپ كەلەدٸ.
UNESCO تٸزٸمٸنە ەنگٸزٸلگەن كٷيلەرٸمٸز, شەتەل ساحنالارىندا وينالىپ جاتقان تۋىندىلار – قازاق رۋحانيياتىنىڭ جاھاندىق اۋقىمدا مويىندالۋىنىڭ نىشانى. ۇلتتىق دومبىرا كٷنٸ – ۇلت بولمىسىن سەزٸنۋ, تامىرىن تانۋ, جٷرەكپەن ەستۋ كٷنٸ. وسى مەرەكەدە ەر قازاق كەم دەگەندە بٸر كٷي تىڭداپ, دومبىرا ٷنٸنە قۇلاق تٷرسە – تاريحپەن تٸلدەسكەنٸ. دومبىرا – بٸزدٸڭ ٷنسٸز سٶيلەيتٸن تٸلٸمٸز, ٶشپەس رۋحىمىز, بابادان قالعان امانات.
ايدار سەيدازىم
