Ulttyq dombyra kúni – halqymyzdyń tereń tarihy men bai rýhaniiatyn dáripteitin mańyzdy mereke. Bul kún – ata-babadan jetken kúi ónerin ulyqtap, ony búgingi urpaqqa amanattaý jolyndaǵy igi bastama.
Dombyra – qazaq halqynyń tól murasy, ulttyq bolmysymyzdyń ainasy. Onyń árbir úni – shejire, árbir pernesi – taǵylym. Kúi arqyly el basynan ótken qily kezeńder, eldik pen erlik, mahabbat pen muń kórkem jetkizilgen.
Jas urpaq – ulttyq ónerdiń bolashaǵy. Búgingi jastar – atadan qalǵan asyl murany jańa deńgeige kóteretin basty kúsh. Osy oraida elimizdegi mádeni-aǵartýshylyq mekemeler, bilim oshaqtary men jastar uiymdary dombyra ónerin nasihattaý jolynda júieli jumystar júrgizýde. Dombyra úiirmeleri, kúi saiystary men shyǵarmashylyq jobalar arqyly jastar ulttyq ónerge bet buryp keledi.
Dombyra – tek dástúr emes, jańǵyrýdyń simvoly
Dombyra kúni – rýhani jańǵyrý aiasyndaǵy naqty qadamdardyń biri. Ol ulttyń ózin-ózi tanýyna, mádeni kodty saqtaýyna, jas urpaqtyń boiynda ulttyq sana men patriottyq sezimdi qalyptastyrýǵa yqpal etedi.
Búgingi mindet – tól ónerimizdi qadirlep, urpaq jadynda saqtaý. Osy mereke aiasynda árbir jas azamat qazaqtyń kieli aspabyn tanyp, qadirlep, nasihattaýǵa óz úlesin qosa alady. Bul – rýhani jaýapkershilik pen urpaq aldyndaǵy amanat.
Erjan Áshimov
