ۇلتتىق دومبىرا كٷنٸ – حالقىمىزدىڭ تەرەڭ تاريحى مەن باي رۋحانيياتىن دەرٸپتەيتٸن ماڭىزدى مەرەكە. بۇل كٷن – اتا-بابادان جەتكەن كٷي ٶنەرٸن ۇلىقتاپ, ونى بٷگٸنگٸ ۇرپاققا اماناتتاۋ جولىنداعى يگٸ باستاما.
دومبىرا – قازاق حالقىنىڭ تٶل مۇراسى, ۇلتتىق بولمىسىمىزدىڭ ايناسى. ونىڭ ەربٸر ٷنٸ – شەجٸرە, ەربٸر پەرنەسٸ – تاعىلىم. كٷي ارقىلى ەل باسىنان ٶتكەن قيلى كەزەڭدەر, ەلدٸك پەن ەرلٸك, ماحاببات پەن مۇڭ كٶركەم جەتكٸزٸلگەن.
جاس ۇرپاق – ۇلتتىق ٶنەردٸڭ بولاشاعى. بٷگٸنگٸ جاستار – اتادان قالعان اسىل مۇرانى جاڭا دەڭگەيگە كٶتەرەتٸن باستى كٷش. وسى ورايدا ەلٸمٸزدەگٸ مەدەني-اعارتۋشىلىق مەكەمەلەر, بٸلٸم وشاقتارى مەن جاستار ۇيىمدارى دومبىرا ٶنەرٸن ناسيحاتتاۋ جولىندا جٷيەلٸ جۇمىستار جٷرگٸزۋدە. دومبىرا ٷيٸرمەلەرٸ, كٷي سايىستارى مەن شىعارماشىلىق جوبالار ارقىلى جاستار ۇلتتىق ٶنەرگە بەت بۇرىپ كەلەدٸ.
دومبىرا – تەك دەستٷر ەمەس, جاڭعىرۋدىڭ سيمۆولى
دومبىرا كٷنٸ – رۋحاني جاڭعىرۋ اياسىنداعى ناقتى قادامداردىڭ بٸرٸ. ول ۇلتتىڭ ٶزٸن-ٶزٸ تانۋىنا, مەدەني كودتى ساقتاۋىنا, جاس ۇرپاقتىڭ بويىندا ۇلتتىق سانا مەن پاتريوتتىق سەزٸمدٸ قالىپتاستىرۋعا ىقپال ەتەدٸ.
بٷگٸنگٸ مٸندەت – تٶل ٶنەرٸمٸزدٸ قادٸرلەپ, ۇرپاق جادىندا ساقتاۋ. وسى مەرەكە اياسىندا ەربٸر جاس ازامات قازاقتىڭ كيەلٸ اسپابىن تانىپ, قادٸرلەپ, ناسيحاتتاۋعا ٶز ٷلەسٸن قوسا الادى. بۇل – رۋحاني جاۋاپكەرشٸلٸك پەن ۇرپاق الدىنداعى امانات.
ەرجان ەشٸموۆ
