Ulttyq bank tóraǵasynyń jańa orynbasary taǵaıyndaldy. Bul týraly Aqordanyń baspasóz qyzmeti málimdedi, dep habarlaıdy Dalanews.kz.
"Memleket basshysynyń ókimimen Bınur Muratuly Jálenov Qazaqstan Respýblıkasy Ulttyq banki tóraǵasynyń orynbasary laýazymyna taǵaıyndaldy", - dep jazylǵan habarlamada.
Aıta keteıik, buǵan deıin Ulttyq bank tóraǵasy Tımýr Súleımenov brıfıńte orynbasary Berik Sholpanqulov qyzmetten ketýine qatysty túsinikteme berdi. Onyń aıtýynsha, Berik Sholpanqulov jumystan ketý týraly ótinishti óz erkimen jazǵan.
Qańtarda Qasym-Jomart Toqaev Qarjylyq monıtorıń agenttiginde ótken jıynda qazaqstandyq bankterdiń biri arqyly 7 trıllıon teńgeden asa qarajat shetelge zańsyz shyǵarylǵany týraly málimdegen edi.
Al keıinirek Ulttyq bank tóraǵasynyń sol kezdegi orynbasary Berik Sholpanqulov basylymdardyń birine bergen pikirinde 7 trıllıon teńge týraly aıtylǵan derek shetelge shyǵarylǵan naqty qarajat emes, bank tranzaksıalarynyń jalpy kólemin bildiretinin aıtty.
