ۇلتتىق بانك تٶراعاسىنىڭ جاڭا ورىنباسارى تاعايىندالدى. بۇل تۋرالى اقوردانىڭ باسپاسٶز قىزمەتٸ مەلٸمدەدٸ, دەپ حابارلايدى Dalanews.kz.
"مەملەكەت باسشىسىنىڭ ٶكٸمٸمەن بينۇر مۇراتۇلى جەلەنوۆ قازاقستان رەسپۋبليكاسى ۇلتتىق بانكٸ تٶراعاسىنىڭ ورىنباسارى لاۋازىمىنا تاعايىندالدى", - دەپ جازىلعان حابارلامادا.
ايتا كەتەيٸك, بۇعان دەيٸن ۇلتتىق بانك تٶراعاسى تيمۋر سٷلەيمەنوۆ بريفينگتە ورىنباسارى بەرٸك شولپانقۇلوۆ قىزمەتتەن كەتۋٸنە قاتىستى تٷسٸنٸكتەمە بەردٸ. ونىڭ ايتۋىنشا, بەرٸك شولپانقۇلوۆ جۇمىستان كەتۋ تۋرالى ٶتٸنٸشتٸ ٶز ەركٸمەن جازعان.
قاڭتاردا قاسىم-جومارت توقاەۆ قارجىلىق مونيتورينگ اگەنتتٸگٸندە ٶتكەن جيىندا قازاقستاندىق بانكتەردٸڭ بٸرٸ ارقىلى 7 تريلليون تەڭگەدەن اسا قاراجات شەتەلگە زاڭسىز شىعارىلعانى تۋرالى مەلٸمدەگەن ەدٸ.
ال كەيٸنٸرەك ۇلتتىق بانك تٶراعاسىنىڭ سول كەزدەگٸ ورىنباسارى بەرٸك شولپانقۇلوۆ باسىلىمداردىڭ بٸرٸنە بەرگەن پٸكٸرٸندە 7 تريلليون تەڭگە تۋرالى ايتىلعان دەرەك شەتەلگە شىعارىلعان ناقتى قاراجات ەمەس, بانك ترانزاكتسييالارىنىڭ جالپى كٶلەمٸن بٸلدٸرەتٸنٸن ايتتى.
