Ulttyq bank tóraǵasy Timýr Súleimenovten otbasynda biýdjetti kim basqaratyny jáne azyq-túlik qymbattaǵanyn ózi sezingen-sezinbegeni suraldy,- dep habarlaidy Dalanews.kz
"Otbasymyzdyń shyǵynyn negizinen jubaiym qadaǵalaidy. Sebebi, birinshiden, ol dekrettik demalysta, bos ýaqyty kóbirek. Ekinshiden, ne alý kerek, qaidan, qalai arzanyraq tabýǵa bolady – osynyń bárin jaqsy biledi", – dedi Súleimenov.
Ol bul jaǵdaidy qazaq qoǵamyna tán mentalitet pen qalyptasqan dástúrdiń kórinisi dep atady.
"Menińshe, bul – qalypty nárse. Árine, shyǵyn baqylaýda. Eshteńege mán bermei otyrǵan joqpyz. Biraq kún saiyn: 'Qansha jumsadyń? Qandai sút aldyń? Mailylyǵy qansha?' dep surap otyrý da durys emes. Otbasylyq ekonomikada ról men resýrsty osylai bólý – oryndy sheshim dep sanaimyn", – dedi Ulttyq bank basshysy.
