ۇلتتىق بانك ءتوراعاسى تيمۋر سۇلەيمەنوۆتەن وتباسىندا بيۋدجەتتى كىم باسقاراتىنى جانە ازىق-تۇلىك قىمباتتاعانىن ءوزى سەزىنگەن-سەزىنبەگەنى سۇرالدى،- دەپ حابارلايدى Dalanews.kz
"وتباسىمىزدىڭ شىعىنىن نەگىزىنەن جۇبايىم قاداعالايدى. سەبەبى، بىرىنشىدەن، ول دەكرەتتىك دەمالىستا، بوس ۋاقىتى كوبىرەك. ەكىنشىدەن، نە الۋ كەرەك، قايدان، قالاي ارزانىراق تابۋعا بولادى – وسىنىڭ ءبارىن جاقسى بىلەدى"، – دەدى سۇلەيمەنوۆ.
ول بۇل جاعدايدى قازاق قوعامىنا ءتان مەنتاليتەت پەن قالىپتاسقان ءداستۇردىڭ كورىنىسى دەپ اتادى.
"مەنىڭشە، بۇل – قالىپتى نارسە. ارينە، شىعىن باقىلاۋدا. ەشتەڭەگە ءمان بەرمەي وتىرعان جوقپىز. ءبىراق كۇن سايىن: 'قانشا جۇمسادىڭ؟ قانداي ءسۇت الدىڭ؟ مايلىلىعى قانشا؟' دەپ سۇراپ وتىرۋ دا دۇرىس ەمەس. وتباسىلىق ەكونوميكادا ءرول مەن رەسۋرستى وسىلاي ءبولۋ – ورىندى شەشىم دەپ سانايمىن"، – دەدى ۇلتتىق بانك باسشىسى.
