Ulttyq bank teńge baǵamyna rýbl dinamikasy men qor birjasyndaǵy saýda-sattyqta belsendiliktiń tómen bolýy azdap qysym jasaǵanyn aitady. Alaida retteýshi organ teńgege shaqqanda AQSh dollary baǵamyn aiqyndaýda rýbl baǵamyndaǵy qubylmalylyq nege negizge alynbaý kerektigin de túsindirip ótti, dep jazady Dalanews.kz.
"2025 jylǵy 5 qańtarda qor birjasyndaǵy saýda-sattyqta teńgege shaqqanda 1 AQSh dollary 525,00 teńge deńgeiinde ashylyp, 525,00-528,00 teńge aralyǵynda saýdalandy. Keshegi saýda-sattyq qorytyndysy boiynsha 1 AQSh dollarynyń ortasha saralanǵan baǵamy 526,30 teńge deńgeiinde qalyptasyp, 0,2%-ǵa álsiredi. Halyqaralyq qarjy naryqtary jabyq bolǵandyqtan, saýda-sattyqtaǵy belsendilik tómen bolyp, onyń kólemi nebári 119,5 mln AQSh dollaryn qurady", - deidi QR Ulttyq bank tóraǵasynyń orynbasary Áliia Moldabekova.
Máselen, onyń aitýy boiynsha, 2024 jylǵy qańtarda saýda-sattyqtyń ortasha kúndik kólemi 172 mln dollar bolǵan edi, al 2024 jylǵy jeltoqsanda 254 mln dollarǵa jetti.
"Naryq qatysýshylarynyń suranysy negizinen demalys kúnderi jinaqtalǵan dollar boiynsha qysqa pozitsiiamen qalyptasty. Syrtqy faktorlardan – kúsheiip turǵan AQSh dollary damýshy elderdegi basqa valiýtalar sekildi teńgege de qysym kórsetip keledi. AQSh dollarynyń indeksi 108 tarmaqqa jetti – bul eki jyldaǵy maksimým. Osy jaǵdaidyń ózi investorlar tarapynan amerikalyq valiýtaǵa qyzyǵýshylyq artqanyn kórsetedi, al ol búkil álemdegi ulttyq valiýtalardyń pozitsiiasyna teris áser etedi.", - deidi ol.
Taǵy bir faktor – Resei rýbliniń dinamikasy. Oǵan naryq qatysýshylary Qazaqstannyń saýda ainalymyndaǵy Reseidiń mańyzdy róline bailanysty nazar aýdarýǵa daǵdylanǵan. Alaida, Moldabekova uzaqqa sozylatyn merekelik demalys kezeńinde Resei rýbliniń AQSh dollaryna qatysty baǵamy tómen ótimdilikpen burmalanýy múmkin ekenin eskerý qajet. Mundai kezeńderde qubylmalylyq artýy múmkin ekenin eskertedi.
Máselen, 2025 jylǵy 3 qańtardaǵy jaǵdai boiynsha baǵam 1 AQSh dollary úshin 110,6 rýblge deiin álsiredi.
"Sonymen qatar, teńgege qaraǵanda, rýblge airyqsha, sonyń ishinde sanktsiialyq sipattaǵy faktorlar áser etedi. Meniń oiymsha, qazirgi jaǵdaidaǵy Resei rýbliniń dinamikasy baǵdar bolmaýǵa tiis jáne ol naryqtyń shamadan tys reaktsiiasyna yqpal etýi múmkin. Al bul jergilikti naryqta baǵamnyń qalyptasýyn burmalap, artyq qubylmalylyqqa ákeledi. Qazirgi ýaqytta bizdiń elderimizdiń naryqtary ártúrli jaǵdaida jumys isteitini anyq. Sondyqtan osy jaǵdailarda Resei rýbliniń AQSh dollaryna qatysty kúrt aýytqýy teńge/dollar aiyrbastaý baǵamynda kórinbeýi kerek, óitkeni ol irgeli ekonomikalyq shyndyqqa sáikes kelmeidi", - deidi ol.
Aita keteiik, 6 qańtardaǵy saýda-sattyq qorytyndysy boiynsha 1 AQSh dollary taǵy da 1 teńgege ósip, 527,30 teńge boldy. Al qańtarda 1 AQSh dollarynyń resmi quny 525,11 teńge bolǵan edi. Sonda sońǵy eki kúnde dollardyń resmi baǵamyna 2 teńge qosyldy.
