Ulttyq bank tárkilengen kriptovaliýtalardy saqtaityn qor qurý týraly usynysty qoldamady. Bul týraly búgin Ulttyq bank tóraǵasynyń orynbasary Berik Sholpanqulov málimdedi, dep habarlaidy Dalanews.kz.
Aita ketsek, buǵan deiin Májilis depýtaty Oljas Quspekov Ulttyq bank janynan kriptovaliýtalardy saqtaityn memlekettik rezerv qurýdy usynyp, Úkimetke depýtattyq saýalmen júgingen. Onyń aitýynsha, bizde qylmystyq ister sheńberinde tárkilengen kriptoaktivterdi saqtaý máselesi rettelmegen, iaǵni tiisti quqyqtyq tehnikalyq tetiktiń bolmaýy úshinshi tulǵalar arqyly osy aktivterdi joǵaltý, urlaý jáne zańdastyrý táýekelderin týdyrady.
Ulttyq bank tóraǵasynyń orynbasary Berik Sholpanqulov mundai aktivter memleket tabysy bolyp tabylatynyn jáne olardyń Qarjy ministrligi qaraýyna beriletinin basa aitty.
"Kez kelgen tárkilengen zat – biýdjet tabysy. Bizde Qarjy ministrligi bar, onyń janynda Memlekettik múlik komiteti degen bar. Mine, osy komitet tárkilengen zattardy óz qaramaǵyna alyp, baǵalap, aýktsiondar ótkizip, odan túsken qarajatty biýdjetke aýdarady. Sondyqtan Ulttyq bank janynan qandai da bir jeke-dara qor qurýdyń qajeti joq", - dedi ol.
Buǵan deiin Ulttyq Banktyń kriptovaliýtalar ainalymyn retteitin bolǵany týraly jazǵanbyz.
